ជីវិតកម្សាន្ដ
រឿង ៣ យ៉ាងពី IU ជាសេដ្ឋីលាក់មុខនៅ កូរ៉េខាងត្បូង
ខណៈពេលដែលតារា K-pop ជាច្រើនមានដើមកំណើតពីអ្នកមានទ្រព្យស្តុកស្តម្ភ សូម្បីតែមុនពេលពួកគេល្បីល្បាញក៏ដោយ ប៉ុន្តែក្នុងនោះក៏មានអ្នកមកពីប្រវត្តិមកពីគ្រួសារក្រីក្រផងដែរ។
តារាមួយរូបនោះគឺ Lee Ji-eun ដែលត្រូវបានគេស្គាល់ថាជា IU ដែលជួបប្រទះការលំបាកផ្នែកហិរញ្ញវត្ថុ មុនពេលអាជីពរបស់នាងចាប់ផ្ដើម ដោយរស់នៅជាមួយជីដូននៅក្នុងបន្ទប់តូចមួយដែលមានសត្វកន្លាត។ មុនពេលនោះ ឪពុកម្តាយនាងជំពាក់បំណុលគេយ៉ាងខ្លាំង។ ប៉ុន្តែនាងដឹងថា នាងចង់ប្រឡូកក្នុងអាជីវកម្មកម្សាន្តតាំងពីតូចមកម្ល៉េះ ទោះជាសាច់ញាតិរបស់នាងចំអកនៅក្តីសុបិនធំរបស់នាងក៏ដោយ។ ការប៉ុនប៉ងរបស់នាងដើម្បីទម្លាយចូលទៅក្នុងឧស្សាហកម្មនេះ បានចាប់ផ្តើមយ៉ាងគគ្រឹកគគ្រេង នាងបានបរាជ័យក្នុងការសវនកម្មចំនួន ២០ ដងក្នុងរយៈពេល ២ ឆ្នាំ ហើយថែមទាំងត្រូវបានបោកប្រាស់ដោយភ្នាក់ងារក្លែងក្លាយទៀតផង។ ប៉ុន្តែនៅឆ្នាំ ២០០៨ នាងបានបង្ហាញខ្លួនជាលើកដំបូងនៅក្រោមដំបូលផលិតកម្ម Loen Entertainment ។
ចាប់តាំងពីនាងចេញបទដែលជាប់ចំណាត់ថ្នាក់លេខមួយ សម្តែងកម្មវិធី និងបង្ហាញពីភាពប៉ិនប្រសប់របស់នាងក្នុងនាមជាតារាសម្តែង ដោយបានសម្តែងក្នុងរឿង K-dramas ដែលទទួលបានចំណាត់ថ្នាក់ខ្ពស់គឺ The Producers, Persona និង Hotel del Luna ។
យ៉ាងណាមិញនៅតែមានរឿងរ៉ាវ៣យ៉ាងដែល IU បានបន្សល់ទុកនិងធ្វើសព្វថ្ងៃនេះដដែល៖
១ IU បានសងបំណុលឪពុកម្តាយរបស់នាង
IU បានបង្កើតខ្លួននាងជាអ្នកសម្ដែងទោលដ៏ជោគជ័យម្នាក់ តាំងពីចាប់ផ្ដើមអាជីពដំបូងរបស់នាង។ តាមពិតទៅ បទចម្រៀងនាំមុខគេនៃ EP ទី៣របស់នាងដែលបានចេញផ្សាយក្នុងឆ្នាំ ២០១០ ដែលមានចំណងជើងថា “Good Day” ខណៈនាងធ្វើបានយ៉ាងល្អ ដែលអាចមានប្រាកសងបំណុលឪពុកម្តាយបានទាំងស្រុង។
២ នាងមានទ្រព្យសម្បត្តិច្រើន
Jimin សមាជិកក្រុម BTS មិនមែនជាអ្នកទិញអគារតែមួយនោះទេ។ ក្នុងឆ្នាំ ២០១៨ IU បានទិញអគារចំនួន ៣៩ លានដុល្លារនៅ Gwacheon និងផ្ទះពីរជាន់ចំនួន ២.៥ លានដុល្លារនៅ Yangpyeong ។ នាងបានទិញដីបន្ថែមនៅទីតាំងដដែលក្នុងតម្លៃ ៦៥ ម៉ឺនដុល្លារអាមេរិក។ យោងតាមភ្នាក់ងាររបស់នាង នាងបានទិញផ្ទះ Yangpyeong ដើម្បីលំហែកាយជាមួយគ្រួសាររបស់នាង នៅថ្ងៃចុងសប្ដាហ៍ថែមទៀតផង។
៣ នាងតែងតែផ្ដល់សប្បុរសធម៌
IU ផ្តល់អំណោយដ៏សប្បុរសដល់តារា K-pop ហើយថែមទាំងផ្តល់ជាអំណោយដល់សប្បុរសធម៌ផងដែរ។ កាលពីឆ្នាំ២០២០ក្នុងថ្ងៃទិវាកុមារ ដែលប្រារព្ធឡើងតាមប្រពៃណីនៅកូរ៉េក្នុងខែឧសភា នាងបានបរិច្ចាគប្រាក់ចំនួន ៩ម៉ឺនដុល្លារអាមេរិក ដល់កុមារមកពីគ្រួសារដែលមានចំណូលទាប ឬដែលត្រូវបានចិញ្ចឹមដោយជីដូនជីតា តាមរយៈមូលនិធិ Green Umbrella Children’s Foundation ។ នាងក៏បានបរិច្ចាគជាទៀងទាត់ទៅអង្គការមិនរកប្រាក់ចំណេញសកលចាប់តាំងពីឆ្នាំ ២០១៥។ ក្នុងខែដដែលនោះ នាងបានបរិច្ចាគ ៨,១៥០ ដុល្លារដល់កុមារដែលរស់នៅជាមួយឪពុកម្ដាយមេម៉ាយនៅ Yangpyeong ។
នាងក៏បានជួយផ្នែកហិរញ្ញវត្ថុដល់សិស្សចំនួន ៥នាក់ផងដែរ ដោយបានជួយពួកគេពីឆ្នាំ ២០១៣ ដល់ ២០១៨។ សិស្សត្រូវបានទទួលយកទៅសាកលវិទ្យាល័យដែលបានជ្រើសរើសរបស់ពួកគេ ប៉ុន្តែមិនអាចមានលទ្ធភាពទិញថ្លៃសិក្សាបានទេ។ IU បានផ្តល់មូលនិធិដល់ការសិក្សារបស់ពួកគេ ដោយការរួមចំណែកការចំណាយជាប្រចាំចំនួនជាង ១៧ម៉ឺនដុល្លារអាមេរិក។ IU បានបរិច្ចាក ៣០ លានវ៉ុន ទៅស្រុក Seocho ។ ការបរិច្ចាកនេះនឹងទៅដល់គ្រួសារដែលមានឪពុកម្តាយមេម៉ាយ និងគ្រួសារដែលមានប្រាក់ចំណូលទាប ហើយនឹងជួយពួកគេទិញសម្ភារៈការពារជំងឺ ដើម្បីជួយបញ្ឈប់ការរីករាលដាលនៃមេរោគនេះ។ ដូចតារាកូរ៉េដទៃទៀតដែរ IU ក៏បានចេញក្រៅប្រយុទ្ធជាមួយ Covid-19 ខណៈនាងបានផ្តល់អាវកាក់ត្រជាក់ចំនួន ៤,៦០០ដល់គិលានុបដ្ឋាយិកា ៨,១៥០ដុល្លារដល់គ្រួសារដែលមានចំណូលទាបដែលរងផលប៉ះពាល់ដោយមេរោគនៅ Gwacheon និង ១៦,៨០០ ដុល្លារដល់កន្លែងសុខុមាលភាពនៅ Yangpyeong ផងដែរ។
យោងតាមប្រព័ន្ធផ្សព្វផ្សាយរបស់កូរ៉េ Money Todayបានបញ្ចាក់ថាទ្រព្យសម្បត្តិរបស់តារាចម្រៀង និងសម្ដែង IU សរុបក្នុងឆ្នាំ២០២៣មានចំនួន ៥២.៧ ពាន់លានវ៉ុនតែម្នាក់ឯង (៤១.៤ លានដុល្លារ) ពីអចលនទ្រព្យ ខណៈទ្រព្យសម្បត្តិសុទ្ធប៉ាន់ស្មានមានចាប់ពី ៤០ លានដុល្លារដល់ ៤៥ លានដុល្លារ រួមទាំងប្រាក់ចំណូលពីតន្ត្រី និងការសម្តែងផ្សេងៗ៕
ប្រែសម្រួល៖ សាង ស្រីល័ក្ខ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ