Jimin សមាជិក BTS វ៉ាដាច់តារាបរទេស ក្លាយជា influence លេខ ១ លើប្រព័ន្ធផ្សព្វផ្សាយ

Jimin សមាជិកក្រុម BTS ត្រូវបានវេទិកាទីផ្សារម៉ាក Lefty ប្រកាសថាជា influence លេខ ១ នៅលើប្រព័ន្ធផ្សព្វផ្សាយ បន្ទាប់ពីចូលរួមកម្មវិធីម៉ូដ Paris Men’s Fashion Week Fall – Winter 2023 នៃម៉ាកយីហោ Dior ។

ថ្មីៗនេះ វេទិកាទីផ្សារម៉ាកយីហោដែលមានឥទ្ធិពល Lefty បានបោះពុម្ពផ្សាយការយល់ដឹងអំពី Paris Men’s Fashion Week នៅទីក្រុងប៉ារីស។ នៅក្នុងនោះ Jimin សមាជិក BTS ដែលទើបតែក្លាយជាទូតសុឆន្ទៈម៉ាកយីហោពិភពលោកថ្មីបំផុតរបស់ Dior ត្រូវបានគេដាក់ឈ្មោះជា influence ឈរនៅលើកំពូលតារាង និងលើសតារាល្បីដូចជា Kylie Jenner និង Rosalia ។

Jimin បានវ៉ាដាច់តារាអន្តរជាតិដូចជា Kylie Jenner (៨.៨ លានដុល្លារ) Rosalia (១.៦ លានដុល្លារ) ដើម្បីឈរនៅលើតារាងនៃតារាដែលរកចំណូលឲ្យម៉ាកយីហោខ្ពស់បំផុត។ គ្រាន់តែ Jimin បានបង្ហាញខ្លួនពីរដងនៅលើគណនី Instagram របស់ Dior បានបង្កើតប្រាក់ចំណូល ១៧ លានដុល្លារនៅក្នុងប្រព័ន្ធផ្សព្វផ្សាយ (EMV) ដែលស្មើនឹង ៥៤ ភាគរយនៃតម្លៃប្រព័ន្ធផ្សព្វផ្សាយសរុបរបស់ Dior (៣១.៥ លានដុល្លារ) ក្នុងអំឡុងពេល Fashion Week ទាំងមូលនេះ។

លើសពីនេះ ប្រព័ន្ធផ្សព្វផ្សាយរបស់ Dior បានបញ្ជាក់ចំណូលកើនឡើង ៣៧០ ភាគរយៈដល់ ៣១.៥ លានដុល្លារ ដែលច្រើនជាងគូប្រជែងរបស់ខ្លួនម៉ាកយីហោ Saint Laurent ដែលជាប់ចំណាត់ថ្នាក់លេខ ២ ក្នុងម៉ាកយីហោកំពូលទាំង ៥០ ជាមួយ ១១,៩ លានដុល្លារ ។

យ៉ាងណាមិញ ក្រៅពី Jimin នៅមានតារាសម្តែងនិងច្រៀង Cha Eun Woo របស់ក្រុម Astro ក៏បាន បង្កើតចំណូលបាន ២.៦ លានដុល្លារសម្រាប់ម៉ាកយីហោ Dior ទោះបីជាគាត់មិនបានចូលរួមកម្មវិធី Fashion Week នេះក៏ដោយ៕

ប្រែសម្រួល៖នាងតូច

ចុចអាន៖Song Joong Ki ផ្លាស់ទៅរស់នៅវីឡាតម្លៃជាង ១៦ លានដុល្លារ ត្រៀមស្វាគមន៍កូនដំបូង