ជីវិតកម្សាន្ដ

គឹម លីហ្សា បកស្រាយពាក់ព័ន្ធការរិះគន់លើមុខជំនួញសព្វថ្ងៃ

បានផុស

៣ years មុន

នៅ

ថ្ងៃពុធ ១ មីនា ២០២៣

ដោយ

ក្រៅតែពីមមាញឹកអាជីពសិល្បៈ តារាសម្ដែងអ្នកនាង គឹម លីហ្សា មួយរយៈពេលប៉ុន្មានឆ្នាំនេះគឺពិតជាកាក់កបមែនទែនជាមួយការងាររកស៊ីផ្ទាល់ខ្លួន បន្ទាប់ពីជោគជ័យក្នុងមុខជំនួញជាច្រើន ជាពិសេសការបើកហាងលក់ម្ជូរ ក៏ដូចជាការលក់ផលិតផលផ្សេងៗទៀតជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលកំពុងជោគជ័យលើអាជីពរកស៊ីផ្ទាល់ខ្លួននេះដែរ ស្រាប់តែមានការរិះគន់ពីសំណាក់បុគ្គលមួយចំនួនមកលើតារាស្រីអ្នកនាង គឹម លីហ្សា ខណៈមានខ្លះទៀតបានសួរសំនួរបែបបញ្ចើចបញ្ចើចំអកទៅលើតារាសម្ដែងរូបនេះទៀតផង។ ក្នុងនោះមានសំនួរថា តើរាល់ថ្ងៃនាងរកស៊ីរបរអ្វីឲ្យប្រាកដ បើពេលខ្លះឃើញលក់របស់នេះ ម្ដងលក់របស់នោះ?។ តើខ្មាសគេទេបើបែបនេះ?។

បកស្រាយការរិះគន់ ក៏ដូចជាឆ្លើយសំនួរខាងលើនេះ តារាសម្ដែង គឹម លីហ្សា បានថ្លែងប្រាប់ឲ្យដឹងថា “ខ្ញុំរកស៊ីសោះ រឿងអ្វីត្រូវខ្មាស? ហើយឈប់ឆ្ងល់ទៅ មុខរបរខ្ញុំមិនពិតប្រាកដទេ”។ គឹម លីហ្សា និយាយទៀតថា មានខ្លះទៀតក៏សួរថា តើចេះហត់ទេ បើមុខរបរច្រើនអ៊ីចឹង ហើយយកលុយទៅទុកណាអស់ បើប្រឹងម្ល៉ឹងៗ?។ ត្រង់ចំណុចនេះ គឹម លីហ្សា ឆ្លើយថា ខ្ញុំក៏ហត់ដូចគ្នា ប៉ុន្តែឱកាសនេះជាឱកាសរកលុយ ទោះខ្ញុំលក់របស់កំប៉ិកកំប៉ុកតូចធំក៏ដោយឲ្យតែថាលក់ដាច់គឺលក់ទាំងអស់។

អ្នកនាង គឹម លីហ្សា បន្តថា មូលហេតុដែលនាងខំប្រឹងរកស៊ីស្ទើររកពេលសម្រាកគ្មាន ក៏ព្រោះមិនចង់ទុកពេលឲ្យនៅទំនេរអត់ប្រយោជន៍ ឬដើរនិយាយដើមពីអ្នកដទៃឡើយ ទោះបីដឹងថាមុខរបរខ្លះបានចំណូលតិចតួចក៏ដោយ ក៏នៅតែខំប្រឹង ព្រោះវាសុទ្ធសឹងតែកើតចេញពីកម្លាំងញើសឈាមរបស់យើងដោយផ្ទាល់។ អ្នកនាងបន្ថែមថា បើសិនមិនខំប្រឹងតើមានលុយធ្លាក់មកពីលើមេឃឲ្យយើងទេគឺគ្មានទេ ដូច្នេះទោះបានចំណេញតិច ឬច្រើន សុទ្ធតែការខិតខំប្រឹងប្រែងដោយអំពើសុចរិតទាំងអស់៕

អត្ថបទ ៖ ចាន់រ៉ា

Related Topics:តារាខ្មែរ គឹម លីហ្សា

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា