តារាសម្តែង Park Bo Gum ប្រកាសបើកគណនី Instagram ផ្ទាល់ខ្លួនជាផ្លូវការហើយ

នៅទីបំផុតតារាសម្តែង Park Bo Gum បានចាប់ផ្តើមប្រើប្រាស់ SNS ជាមួយនឹងគណនី Instagram ផ្លូវការ បើទោះជាមិនទាន់មានការបង្ហោះរូបក៏ដោយ ក៏គណនីនេះបានទាក់ទាញអ្នកតាមដានប្រហែល ២០០ ពាន់នាក់ក្នុងរយៈពេលត្រឹមតែមួយថ្ងៃដំបូងប៉ុណ្ណោះ ។

គួរឱ្យចាប់អារម្មណ៍ អ្នកគាំទ្របានរកឃើញថាគណនីឈ្មោះ @bogummy ដែលជាកម្មសិទ្ធិរបស់តារាសម្តែង Park Bo Gum ត្រូវបានបើកជាផ្លូវការ ហើយគេដឹងថាគណនី Instagram តារាប្រុសរូបនេះបានបង្កើតឡើងកាលពីប៉ុន្មានឆ្នាំមុន ប៉ុន្តែត្រូវបានដាក់ក្នុងទម្រង់ឯកជន។ គណនីនេះបានបើកឹជាសាធារណៈនៅថ្ងៃទី ៣០ ខែមីនា ។

តាមរយៈគណនី Instagram របស់ Park Bo Gum ត្រូវបានគេរំពឹងថានឹងចែករំលែកនូវទិដ្ឋភាពនៃជីវិតប្រចាំថ្ងៃរបស់លោក ក៏ដូចជាភ្ជាប់ទំនាក់ទំនងជាមួយអ្នកគាំទ្រក្នុងកម្រិតស្និទ្ធស្នាលជាងមុន អាស្រ័យហេតុនេះ អ្នកគាំទ្រតារាប្រុសរូបនេះមានការរំភើបចិត្តខ្លាំង ។

យ៉ាងណាមិញ តារាសម្តែង Park Bo Gumm ត្រូវបានគេស្គាល់ដោយសារតែលោកជាតួឯកក្នុងរឿងភាគល្បី ៗដូចជារឿង “Reply 1988” និងរឿង “Love in the Moonlight” ។ បន្ទាប់ពីបញ្ចប់ការបំពេញកាតព្វកិច្ចយោធា Park Bo Gum ត្រូវបានគេបញ្ជាក់ថា នឹងសម្តែងក្នុងរឿងភាគខាងមុខនេះ “You Have Do ne Well” ដែលមាន IU ចូលរួមសម្តែងផងដែរ ៕

ប្រែសម្រួល៖នាងតូច

ចុចអាន៖បុគ្គលិកក្រុមហ៊ុន KORAIL ត្រូវបណ្តេញចេញពីការងារ ក្រោយលួចព័ត៌មានផ្ទាល់ខ្លួនរបស់មេក្រុម BTS