បុគ្គលិកក្រុមហ៊ុន KORAIL ត្រូវបណ្តេញចេញពីការងារ ក្រោយលួចព័ត៌មានផ្ទាល់ខ្លួនរបស់មេក្រុម BTS

បុគ្គលិកបច្ចេកទេសនៃក្រុមហ៊ុនរថភ្លើង KORAIL របស់កូរ៉េត្រូវបានបណ្តេញចេញពីការងារ បន្ទាប់ពីលួចបង្ហាញព័ត៌មានផ្ទាល់ខ្លួនរបស់ RM ដែលជាមេក្រុម BTS ដោយគ្មានការអនុញ្ញាតចំនួន ១៨ ដងក្នុង រយៈពេល ៣ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ២៩ ខែមីនា E-Daily បានរាយការណ៍ថាក្រុមហ៊ុនរថភ្លើង Korea Railroad Corporation បានបណ្តេ ញបុគ្គលិកផ្នែកអភិវឌ្ឍន៍ព័ត៌មានវិទ្យាម្នាក់ពីបទលួចព័ត៌មានផ្ទាល់ខ្លួនដូចជា អាសយដ្ឋាន និងលេខទូរស័ព្ទរបស់ RM រយៈការកក់សំបុត្ររថភ្លើងរបស់លោក។ បុគ្គលម្នាក់នេះក៏បានសារភាពថា បន្ទាប់ពីផ្ទៀងផ្ទាត់ព័ត៌មាននៃការកក់សំបុត្ររបស់ RM រួចហើយគាត់បានបង្ហាញពីចំនួនកៅអីដល់មិត្តភ័ក្តិរបស់គាត់ ដើម្បីពួកគេអាចទិញសំបុត្រដើម្បីអង្គុយក្បែរតារាប្រុសនេះ។

នៅពេលដែលឧបទ្ទវហេតុនេះបានកើតឡើង គណៈកម្មការវិន័យកូរ៉េបានស្នើសុំឱ្យចាត់វិធានការដើម្បីការពារករណីស្រ ដៀងគ្នានេះ ដូចជាការកែលម្អការអនុវត្តប្រព័ន្ធសន្តិសុខ ឬធ្វើការត្រួតពិនិត្យតាមកាលកំណត់លើដំណើរការព័ត៌មាន ក៏ដូចជាសព័ត៌មានផ្ទាល់ខ្លួនរបស់អតិថិជន។

យ៉ាងណាមិញ នេះមិនមែនជាលើកទីមួយទេ ដែលភាពឯកជនរបស់ RM ត្រូវបានរំលោភបំពាន ដោយនៅខែ មករា ឆ្នាំ ២០២៣ មេក្រុមBTSរូបនេះ បានសម្តែងការខកចិត្តនៅពេលដែលការសន្ទនាជាមួយព្រះសង្ឃនៅប្រាសាទ Hwaeom sa ត្រូវបានបង្ហាញដល់សារព័ត៌មាន ភ្លាមៗនោះលោកបានលុបរូបថតនៃដំណើរកម្សាន្តនេះចោលផងដេរ ៕

ប្រែសម្រួល៖នាងតូច

ចុចអាន៖Dilraba រងការរិះគន់ ក្រោយផ្សព្វផ្សាយពាណិជ្ជកម្មគ្រឿងអលង្ការឲ្យប្រេន Dior