៤ ចំណុចដូចគ្នារបស់គូស្នេហ៍ Ji Yeon-Do Hyun ប្រិយមិត្តមិនធ្លាប់ដឹង

អ្នកលេងអ៊ីនធឺរណិតសម្ដែងការ​ភ្ញាក់​ផ្អើលយ៉ាងខ្លាំង បន្ទាប់ពី​​ដឹង​ថា តារាស្រី Lim Ji Yeon និងតារាប្រុស Lee Do Hyun ដែលទើបបញ្ជាក់​ទំនាក់​ទំនងស្នេហា​ជាមួយគ្នា មានចំណុចពិសេសដូចគ្នាមួយចំនួន ហាក់បីដូចជាវាសនាបានចារទុករួចហើយ ទោះបីពួកគេខុសជំនាន់ ៥ឆ្នាំក៏ដោយ។

ចំណុចដូចគ្នានៃគូស្នេហ៍ថ្មោងថ្មីនេះរួមមាន៖

តារាស្រី Lim Ji Yeon

ឈ្មោះ៖ Lim Ji Yeon

កើត៖ ថ្ងៃទី២៣ ខែមិថុនា ឆ្នាំ១៩៩០ នៅភូមិ Seong Dong Gu សង្កាត់ Geum Ho Dong ទីក្រុងសេអ៊ូល។

សាសនា៖ គ្រីស្ទបរិស័ទនិកាយប្រូតេស្តង់

ប្រភេទឈាម៖​ A

តារាប្រុស Lee Dong Hyun

ឈ្មោះពិត៖ Lim Dong Hyun

កើត៖ ថ្ងៃទី១១ ខែមេសា ឆ្នាំ១៩៩៥ នៅភូមិ Seong Dong Gu សង្កាត់ Geum Ho Dong ទីក្រុងសេអ៊ូល។

សាសនា៖ គ្រីស្ទបរិស័ទនិកាយប្រូតេស្តង់

ប្រភេទឈាម៖​ A

យោងតាមប្រវត្តិរូបសង្ខេប Lim Ji Yeon និង Lee Do Hyun អ្នកទាំងពីរមាននាមត្រកូល Lim ដូចគ្នា ក្រុមប្រភេទឈាម A ដូចគ្នា កើតនៅភូមិ Seong Dong Gu សង្កាត់ Geum Ho Dong ទីក្រុងសេអ៊ូលដូចគ្នា ហើយកាន់សាសនាគ្រីស្ទ និកាយប្រូតេស្តង់ដូចគ្នា។

ក្រោយឃើញភាពដូចគ្នាទាំង ៤ចំណុចនេះ អ្នកលេងអ៊ីនធឺរណិតមួយចំនួនបានលើកឡើងថា ពួកគេពិតជាគូព្រេងដែលវាសនាចារទុកមិនខាន ស្របពេលដែលទស្សនិកជនមួយចំនួនទៀតបានជូនពរគូស្នេហ៍ថ្មី ឱ្យដើរដល់រោងជ័យ នៅថ្ងៃខាងមុខ៕

ប្រែសម្រួល៖ សន្យា

ចុចអាន៖ ផលិតកម្មបញ្ជាក់ថា Lim Ji Yeon និង Lee Do Hyun ពិតជាមានទំនាក់ទំនងស្នេហាមែន

ចុចអាន៖ ឃើញ Han So Hee ញ៉ែញង Song Hye Kyo ញឹកពេក ហ្វេនសង្ស័យនាងស្រឡាញ់ស្រីដូចគ្នា