ផលិតកម្មបញ្ជាក់ថា Lim Ji Yeon និង Lee Do Hyun ពិតជាមានទំនាក់ទំនងស្នេហាមែន

យោងទៅតាមផលិតកម្មដែលបានគ្រប់គ្រងតារាសម្តែង Lim Ji Yeon និង Lee Do Hyun ចេញមុខមកបញ្ជាក់ ថា គូស្នេហ៍មួយគូនេះកំពុងមានទំនាក់ទំនងស្នេហាជាមួយគ្នា ក្រោយពីគេហទំព័រ Dispatch Korea បានបញ្ចេញរូបថតពួកគេណាត់ជួបជាបន្តបន្ទាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១ ខែ មេសា ទីភ្នាក់ងារក្រុមហ៊ុន Artist Company របស់តារាសម្តែង Lim Ji Yeon បានបញ្ជាក់ពីរបាយការណ៍របស់ Dispatch អំពីទំនាក់ទំនងស្នេហារបស់ពួកគេដោយនិយាយថា “Lim Ji Yeon និង Lee Do Hyun បានផ្លាស់ប្តូរពីមិត្តរួមការងារជិតស្និទ្ធមកដំណាក់នៃការស្គាល់គ្នាកាន់តែល្អជាមួយនឹងអារម្មណ៍វិជ្ជមាន។ ខាងផលិតកម្មបានបន្ថែមថា “យើងនឹងអរគុណ ប្រសិនបើអ្នកទាំងអស់គ្នានឹងគាំទ្រទំនាក់ទំនងរបស់ពួកគេ” ។

ជាមួយគ្នានេះដែរ ភ្នាក់ងារគ្រប់គ្រងរបស់ Lee Do Hyun ដែលមានឈ្មោះថា Yuehua Entertainment ក៏បានធ្វើសេចក្តីថ្លែងការណ៍ស្រដៀងគ្នាថា” បន្ទាប់ពីចំណាយពេលមួយរយៈក្នុងនាមជាមិត្តរួមការងារជិតស្និទ្ធពួកគេទាំងពីរបានចាប់អារម្មណ៍គ្នាទៅវិញទៅមក និងចាប់ផ្តើមយកចិត្តទុកដាក់ចំពោះគ្នាកាន់តែច្រើន ” ។

យ៉ាងណាមិញ តារាសម្តែង Lim Ji Yeon និង Lee Do Hyun ត្រូវបានគេហទំព័រ Dispatch រាយការណ៍ថាបានចាប់ផ្តើមទាក់ទងគ្នាពេលកំពុងថតឈុតចុងក្រោយនៃរឿង The Glory ដោយទំនាក់ទំនង របស់ពួកគេត្រូវបានរក្សាទុក ជាឯកជន ៕

ប្រែសម្រួល៖នាងតូច

ចុចអាន៖តារាសម្ដែង Lee Do Hyun និង Lim Ji Yeon ក្នុងរឿង”The Glory”លួចណាត់ជួបគ្នា