ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ

ពាក្យចចាមអារ៉ាមស្នេហារវាងតារាសម្ដែងស្រី Pinky Savika និងតារាសម្ដែងប្រុស Tui Teerapat កំពុងបន្តផ្សព្វផ្សាយយ៉ាងផុសផុល ជាពិសេសរឿងដែលថា ពួកគេរស់នៅផ្ទះជាមួយគ្នា កាន់តែធ្វើឱ្យអ្នកលេងអ៊ីនធឺរណិតចាប់អារម្មណ៍ខ្លាំងទ្វេដង។

បន្ទាប់ពីពាក្យចចាមអារ៉ាមនេះនៅតែសាយភាយ អ្នកគាំទ្រមួយចំនួនបាននាំគ្នាជីកកកាយរូបភាព និងវីដេអូឃ្លីបរបស់អ្នកទាំងពីរ ដើម្បីបញ្ជាក់ការពិតថា តើពួកគេពិតជាមានទំនាក់ទំនងស្នេហាជាមួយគ្នាពិតឬយ៉ាងណា។

ជាក់ស្ដែងថ្មីៗនេះ អ្នកប្រើប្រាស់ TikTok ម្នាក់បានបង្ហោះឃ្លីបមួយ បង្ហាញពីភាពផ្អែមល្ហែមរវាង Pinky និង Tui ដែលអ្នកទាំងពីរកំពុងអង្គុយជាមួយគ្នានៅតុអាហារ និងច្រៀងចម្រៀងអន្តរជាតិរួមគ្នាទៀតផង។ កាយវិការរបស់អ្នកទាំងពីរមើល​ទៅពិតជា​ស្និទ្ធស្នាលគ្នា​ ដែលវានាំឱ្យអ្នកគាំទ្រជាច្រើនសម្ដែងក្តីត្រេកអរជាមួយពួកគេ។

ទោះយ៉ាងណា ឃ្លីបនោះទំនងមិនមែនជាឃ្លីបថ្មីថ្មោងទេ ព្រោះបើមើលសក់របស់ Pinky ក្នុងវីដេអូគឺវែងប្រះស្មា ខណៈសក់បច្ចុប្បន្នរបស់នាងគឺខ្លីត្រឹម-កនោះទេ៕

ប្រែសម្រួល៖ សន្យា

ចុចអាន៖ ធ្លាយចចាមអារ៉ាមថា Pinky មានទំនាក់ទំនងស្នេហាជាមួយ Tui Teerapat

ចុចអាន៖ មិនទាន់ធំផង Weir កំណត់អាយុឱ្យកូនស្រីមានមិត្តប្រុសបាត់