Connect with us

ជីវិតកម្សាន្ដ

លោក ម៉ម សំនៀង ទម្លាយស្នាដៃបទថ្មី «ចួបស្នេហ៍ Rock and Roll» កំពុងផ្ទុះការគាំទ្រ

បានផុស

នៅ

ទីបំផុត​បទ​ចម្រៀង​ដែល​ជា​ស្នាដៃ​និពន្ធ​ថ្មី​របស់​កវីនិពន្ធ​ល្បី​ឈ្មោះ​លោក ម៉ម សំនៀង មាន​ចំណង ជើង​ថា “​ចួប​ស្នេហ៍ Rock and Roll” ត្រូវ​បាន​បញ្ចេញ​ផ្សព្វផ្សាយ​ជា​ផ្លូវការ​ហើយ នៅ​លើ​បណ្ដាញ​សង្គម កាលពី​ថ្ងៃ​ទី ៣០ ខែ​មេសា ឆ្នាំ ២០២៣ កន្លង​ទៅ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ការ​កត់សម្គាល់​បន្ទាប់ពី​ស្នាដៃ​បទ​ថ្មី​ពី​សំណាក់​អ្នកនិពន្ធ​វ័យក្មេង លោក ម៉ម សំនៀង ទើបតែ​ត្រូវ​បាន​ធ្វើការ​បង្ហោះ​ផ្សព្វផ្សាយ​នៅ​លើ​បណ្ដាញ​សង្គម​យូធូប និង​ហ្វេស​ប៊ុក​ផ្លូវការ ​ត្រឹមតែ​រយៈពេល​ប្រមាណ ២ ថ្ងៃ​ប៉ុណ្ណោះ គឺ​សន្ទុះ នៃ​ការ​គាំទ្រ ព្រមទាំង​ការ​ស៊ែរ​ចែករំលែក​ពី​មហាជន និង​មិត្តៗ​យុវវ័យ មាន​ការ​កើន​ឡើង​ជា​បន្តបន្ទាប់ ខណៈ​ក៏​មាន​ការ​លើក​សរសើរ​នូវ​ស្នាដៃ​ថ្មី​របស់​លោក ម៉ម សំនៀង ផង​ដែរ។

លោក ម៉ម សំនៀង បាន​ថ្លែង​ប្រាប់​កម្ពុជា​ថ្មី​ឲ្យ​ដឹង​ថា «បទ ចួប​ស្នេហ៍ Rock and Roll ដែល​ត្រូវ​បាន​បញ្ចេញ​ជា​ផ្លូវការ កាលពី​ថ្ងៃ​ទី ៣០ ខែ​មេសា ឆ្នាំ ២០២៣ គឺជា​ស្នាដៃ​និពន្ធ​ថ្មី​ទាំងស្រុង​របស់ខ្ញុំ​បាទ ម៉ម សំនៀង ទាំង​ទំនុក​ច្រៀង ,​ទំនុក​ភ្លេង និង​ការ​បញ្ចូល​ឧបករណ៍​តន្ត្រី​ទាំងអស់​ក្នុង​បទ​នេះ។ ខ្ញុំ​សូម​គោរព​ផ្ញើ​ជូន​ពុក​ម៉ែ​បងប្អូន​ជនរួមជាតិ​ខ្មែរ​ទាំងអស់​ស្ដាប់​កម្សាន្ត»។

លោក​បន្ត​ថា «បទ​នេះ កើត​ចេញពី​ក្តី​ស្រឡាញ់​របស់ខ្ញុំ​តាំងពី​កុមារភាព ចំពោះ​ចង្វាក់​បែប Rock and Roll ដែល​ខ្ញុំ​ធ្លាប់​ឃើញ​លោក​ឪពុក​របស់ខ្ញុំ ម៉ម វុទ្ធី ជា​តន្ត្រីករ​ជំនាន់​ចាស់​សម្ដែង​ជាមួយ​ក្រុម​របស់​គាត់»។

ជាមួយ​គ្នា​នោះ លោក ម៉ម សំនៀង បាន​បញ្ជាក់​ទៀត​ថា លោក​ក៏​សូម​ឧទ្ទិស​បទ​នេះ​ដល់​លោក​ឪពុក​របស់​ខ្លួន​ដែល​លោក​បាន​ចែក​ឋាន​ទៅ​ហើយ​ទាំង​មិនបាន​ឃើញ​កូនៗ​កំពុង​បន្ត​នូវ​អ្វី​ដែល​លោក​ធ្លាប់​ស្រឡាញ់។ លោក​បន្ថែម​ដែរ​ថា «ខ្ញុំបាទ សូម​គោរព​អគុណ​យ៉ាង​ខ្លាំង​ចំពោះ​ការ​គាំទ្រ​កន្លង​មក​ពី​ពុក​ម៉ែ​បងប្អូន និង​អគុណ​សម្រាប់​ការ​រង់ចាំ​ស្នាដៃ​ថ្មី​របស់ខ្ញុំ»។

សូម​ជម្រាប​ថា បទ​ចម្រៀង​ល្បីៗ​ដែល​ជា​ស្នាដៃ​របស់​លោក ម៉ម សំនៀង កន្លងមក​រួមមាន​ដូចជា ៖ អូន​ឧកញ៉ា​តី ,ស្ទឹង​ស្នេហ៍ (​ព្រែក​កំពត​) ,ផ្ញើ​ចម្រៀង​ជូន​ពុក និង​បទ អូន​ជា​គ្រូពេទ្យ ជាដើម។ ម្យ៉ាង​ទៀត បច្ចុប្បន្ន​លោក​ក៏​កំពុង​វិវឌ្ឍ​ខ្លួន​ទៅ​ជា​ប្រធាន​ផ្នែក​ផ្តល់​សេវាកម្ម​តន្ត្រី​ខ្លួនឯង គឺ ក្រុម​តន្ត្រី “​សំនៀង Enter tainment” ផង​ដែរ។ លោក ម៉ម សំនៀង សព្វថ្ងៃ​ក្រៅ​តែ​ការ​និពន្ធ​បទ​ចម្រៀង លោក​ក៏​ជា​អ្នកសារព័ត៌មាន​ល្បី​ឈ្មោះ​មួយ​រូប​ប្រចាំ​នៅ​ស្ថានីយ​ទូរទស្សន៍ BTV ផង​ដែរ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍១ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៤ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៥ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៥ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម