Matt ជូនពរអតីតមិត្តប្រុស Songkran មានសុភមង្គលជាមួយអ្នកថ្មី

ក្រោយប្រកាសបែកគ្នាជាមួយពោះម៉ាយ Songkran តារាសម្ដែង Matt Peranee បានចេញមុខបដិសេដពាក្យចចាមអារ៉ាមស្នេហាជាមួយហាយសូរ Pok និងផ្ញើពាក្យជូនពរអតីតមិត្តប្រុសឱ្យមានសុភមង្គលជាមួយអ្នកថ្មី ខណៈនាងផ្ទាល់និយាយថា ខ្លួនកំពុងខ្លាចរអានឹងស្នេហា។

រឿងរ៉ាវស្នេហារបស់តារាស្រី Matt Peranee នៅតែមានមហាជនជាច្រើនចាប់អារម្មណ៍ ទាំងជាមួយអតីតមិត្តប្រុស និងពាក្យចចាមអារ៉ាមជាមួយសេដ្ឋី Pok ស្របពេលដែលសាមីខ្លួនខាងស្រីចេញមុខបញ្ជាក់ច្បាស់ថា រវាងនាង និង Pok ត្រឹមតែរាប់អានគ្នាជាបងប្អូនប៉ុណ្ណោះ។

ដោយឡែកចំពោះទំនាក់ទំនងស្នេហារវាងនាងនិងអតីតមិត្តប្រុស ដែលទើបបញ្ចប់ថ្មីៗនេះ Matt បាននិយាយយ៉ាងចំហថា មិនមែនដោយសារនាងមានអ្នកទី៣នោះទេ តែដោយសារពោះម៉ាយ Songkran មានអ្នកទី៣ មុនធ្លាយពាក្យចចាមអារ៉ាមរវាងនាងនិង Pok ទៅទៀត។

ទោះយ៉ាងណា នាង​មិន​ស្តាយ​ក្រោយ​ទេចំពោះរយៈពេល ៥ឆ្នាំដែលទាក់ទងគ្នាជាមួយ Songkran ព្រោះ​នៅ​ជាមួយ​គាត់ នាងជួប​តែ​រឿង​ល្អៗ ចំណែកគ្រួសារ​របស់គាត់តែងតែ​ផ្តល់​របស់​ល្អៗសម្រាប់នាងជានិច្ច។ ហើយចុងក្រោយ Matt សូមជូនពរ Songkran ទទួលបានសុភមង្គលជាមួយអ្នកថ្មី ព្រោះនាងចង់ឃើញគាត់សប្បាយចិត្ត៕

ប្រែសម្រួល៖ សន្យា

ចុចអាន៖ ទស្សនិកជនរិះគន់ Baifern រឿងសម្រកទម្ងន់ជ្រុលហួសហេតុពេក

ចុចអាន៖ Mai Davika ប្រែរូបរាងថ្មី ទស្សនិកជនមើលសឹងមិនស្គាល់