ជីវិតកម្សាន្ដ

សល់ ៤ខែទៀតចូលរោងការ Mark-Kimberly រំភើបចិត្តខ្លាំង ដឹកដៃគ្នាបោះធៀបការរួចស្រេច

បានផុស

១០ ខែ មុន

នៅ

ថ្ងៃចន្ទ ១៥ ឧសភា ២០២៣

ដោយ

មុនពេលហោះទៅអ៊ីតាលីដើម្បីរៀបចំពិធីមង្គលការនៅខែកញ្ញាខាងមុខ គូស្នេហ៍ Mark-Kimberly បានបោះសំបុត្រការរួចជាស្រេច និងបង្ហោះជាសាធារណៈនៅលើបណ្ដាញសង្គម ដែលនាំឱ្យសាច់ញាតិ មិត្តភក្តិ ព្រមទាំងអ្នកគាំទ្រនាំគ្នាចូលរួមអបអរយ៉ាងច្រើនកុះករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សល់តែ ៤ខែទៀតប៉ុណ្ណោះ ពិធីថ្ងៃរៀបការបស់តារាសម្ដែង Mark Prin និងតារាសម្ដែង Kimmy Kimberly នឹងប្រារព្ធឡើងនៅប្រទេសអ៊ីតាលី មុនពេលពួកគេមករៀបចំពិធីបែបប្រពៃណីថៃ នៅក្នុងស្រុក នាខែវិច្ឆិកា។

បើងាកទៅមើលធៀបការរបស់ Mark-Kimberly វិញ អ្នកគាំទ្រឃើញហើយលាន់មាត់សរសើរព្រោងព្រាតថាសាមញ្ញ ស្រស់ស្អាត និងមានន័យទៀតផង។ ធៀបការនេះមានពណ៌បៃតង រចនាឡើងតាមការស្រមៃរបស់គូស្នេហ៍ទាំងពីរ ជាមួយនឹងផ្កាដែល Kimberly ចូលចិត្ត បូករួមទាំងគំនូរវីឡាប្រណីតជាកន្លែងរៀបអាពាហ៍ពិពាហ៍របស់ពួកគេ ស្ថិតនៅក្បែរបឹង Como ប្រទេសអ៊ីតាលី។

តាមរយៈឃ្លីបនៅលើគណនីបណ្ដាញសង្គមគូស្នេហ៍ Mark-Kimberly ពិតជាសប្បាយចិត្តខ្លាំង ហើយពួកគេបានសរសេរខេបសិននៅពីលើវីដេអូខ្លីថា “បង្ហាញធៀបអាពាហ៍ពិពាហ៍របស់យើងនៅបឹង Como!!! នៅសល់តែ ៤ខែទៀតប៉ុណ្ណោះ!!! រំភើបខ្លាំងណាស់” ៕