Rosé បង្អួតសម្រស់និងគ្រឿងអលង្ការតម្លៃខ្ទង់ម៉ឺនដុល្លារ ក្នុងមហោស្រពភាពយន្ត Cannes

Rosé សមាជិក BLACKPINK បានបង្អួតសម្រស់ក៏ដូចជាទទួលការទាក់ទាញការចាប់អារម្មណ៍យ៉ាងខ្លាំងនៅក្នុងមហោស្រពភាពយន្ត Cannes លើកទី ៧៦ ជាពិសេសគ្រឿងអលង្ការក្រវិលមួយគូមានតម្លៃខ្ទង់ម៉ឺនដុល្លារ ។

ថ្មីៗនេះ Rosé សមាជិក BLACKPINK បានបង្ហាញខ្លួនមិននឹកស្មានដល់ក្នុងមហោស្រពភាពយន្ត Cannes លើកទី ៧៦។ ការប្រកាសនេះត្រូវបានធ្វើឡើងតែមួយថ្ងៃមុនព្រឹត្តិការណ៍នេះ ជាមួយគ្នាJennie ក៏ត្រូវបានប្រកាសថានឹងបង្ហាញខ្លួនជាលើកដំបូងនៅក្នុងមហោស្រពភាពយន្តនៅលើកម្រាលព្រំក្រហមសម្រាប់រឿង “The Idol” ។ ដូចការរំពឹងទុកសមាជិកទាំងពីររបស់ BLACKPINK នឹង ទទួលបានការចាប់អារម្មណ៍យ៉ាងខ្លាំង ។

សម្រាប់ការបង្ហាញខ្លួនលើកដំបូងរបស់ Rosé នៅឯមហោស្រពភាពយន្ត Cannes លើកទី ៧៦ នាងបានស្លៀករ៉ូបពណ៌ខ្មៅមកពីម៉ាកយីហោ Saint Laurent ដែលនាងជាទូតសុឆន្ទៈ ឲ្យប្រេននេះ។ ជាមួយគ្នានេះ Rosé ក៏បានពាក់ក្រវិលមួយគូមកពីម៉ាកយីហោ Tiffany & Co. ដែលមានតម្លៃ ២២,៩ លានវ៉ុន (ប្រហែល ១៧.២០៩ ដុល្លារ ) ហើយនិង​ចិញ្ចៀន​ត្បូង​កណ្តៀង និង​ពេជ្រ​តម្លៃ ១១.៥០០ ដុល្លារ ។

ស្បែករលោងរបស់ Rosé រួមផ្សំជាមួយនឹងការតុបតែងមុខ បានបង្ហាញភាពស្រស់របស់នាងនិងទាក់ទាញការចាប់អារម្មណ៍យ៉ាងខ្លាំងពីអ្នកនិយមលេងអ៊ីនធឺណិត ដោយពូកគេបានសរសើរចំពោះរូបរាងរបស់នាងនៅក្នុងព្រឹត្តិការណ៍នេះ ដោយនិយាយថា “ស្អាតណាស់ និងទាន់សម័យ” ។

យ៉ាងណាមិញ មុននឹងដើរលើកម្រាលព្រំក្រហមក្នុងមហោស្រពភាពយន្ត Cannes លើកទី ៧៦ Rosé ក៏បានចូលរួមការបញ្ចាំងភាពយន្តខ្លី “Strange Way of Life” ដែលដឹកនាំសម្តែងដោយលោក Pedro Almodóvar ផងដែរ ៕

ប្រែសម្រួល៖ នាងតូច

ចុចអាន៖ធ្លាយឃ្លិប V និង Jennie ដើរចាប់ដៃគ្នាយ៉ាងផ្អែមល្ហែមនៅប៉ារីស