ធ្លាយឃ្លិប V និង Jennie ដើរចាប់ដៃគ្នាយ៉ាងផ្អែមល្ហែមនៅប៉ារីស

អ្នកគាំទ្ររបស់កំពូលតារាកូរ៉េខាងត្បូងមានការភ្ញាក់ផ្អើលជាថ្មីម្ដងទៀត បន្ទាប់ពី​បណ្ដាញ​សង្គម​មួយ​បានចែករំលែក​ឃ្លិប​ ដែល​អះអាង​ថាជាសមាជិកគឺ V សមាជិកក្រុម BTS និង Jennie សមាជិកក្រុម Blackpink ដើរចាប់ដៃគ្នា​នៅ​ប៉ារីស។

ជាមួយនឹងគណនីមួយចំនួននៅក្នុងពិភពប្រព័ន្ធផ្សព្វផ្សាយសង្គមបង្ហាញថា គូស្នេហ៍មួយគូនេះ បានដើរចាប់ដៃគ្នាយ៉ាង​បើកចំហ មិនខ្លាចថាមានអ្នកលួចថតពួកគេសូមម្បីបន្តិចណាទេ ខណៈអ្នកគ្រប់គ្រងផ្ទាល់ខ្លួន និងអ្នកដើរតាមគាត់ពី​ចម្ងាយក៏បង្ហាញវត្តមានជាមួយគ្នាដែរ។

ទោះយ៉ាងណាក៏ដោយ ទាំង Jennie និង V បានក្លាយជាប្រធាន​បទនៃ​ពាក្យចចាមអារ៉ាម​ស្នេហា តាំងពី​ខែឧសភា ឆ្នាំ២០២២ នៅពេលរូបថតដែលគេចោទថាអ្នកទាំងពីរនៅកោះ Jeju ជាមួយគ្នាត្រូវបាន​បង្ហោះ​តាម​អ៊ីនធឺណិតព្រោងព្រាត។ លើសពីនេះមានភស្តុតាងនិងរូបថតជាច្រើនបានលេច​ចេញមកក្នុងប៉ុន្មាន​ខែខាង​មុខ​នេះ ប៉ុន្តែ​ទាំង​ភ្នាក់ងារ YG Entertainment និង HYBE ភ្នាក់ងាររបស់ BTS មិនបាន​បញ្ចេញ​សេចក្ដី​ថ្លែងការណ៍​ច្បាស់លាស់​ទាក់ទង​នឹង​ពាក្យចចាមអារ៉ាម​ស្នេហា​របស់​គូស្នេហ៍​ទាំងពីរ​នោះ​ទេ៕

ប្រែសម្រួល៖ សាង ស្រីល័ក្ខ

ចុចអាន៖Jungkook រងការគំរាមកំហែងដល់អាយុជីវិតឥតឈប់ឈរពីអ្នកគាំទ្ររោគចិត្ត