ជីវិតកម្សាន្ដ
សាយ ត្រៀមបង្កើតកម្មវិធីរត់ឡើងប្រាសាទព្រះវិហារ អបអរខួបលើកទី ១៥ ឆ្នាំ ចុះបញ្ជីបេតិកភណ្ឌ
ដើម្បីចូលរួមអបអរខួបលើកទី ១៥ ឆ្នាំ ដែលប្រាសាទព្រះវិហារចុះបញ្ជីបេតិកភណ្ឌពិភពលោក សាយ បានបង្ហើបនូវគម្រោងបង្កើតកម្មវិធីរត់ឡើងប្រាសាទព្រះវិហារ ៧ គីឡូម៉ែត្រ អបអរសាទរខួបលើកទី ១៥ ឆ្នាំ ចុះបញ្ជីបេតិកភណ្ឌពិភពលោក។
លោក អ៊ួន បឋម ហៅ សាយ ត្រូវបានគេស្គាល់ថាជាតារាចម្រៀងប្រុស Original Song បច្ចុប្បន្នក៏កត់សម្គាល់ឃើញថា លោកកាន់តែមានការគាំទ្រ និងមានប្រជាប្រិយភាពខ្លាំងតាមរយៈការងារសប្បុរសធម៌ជួយសង្គម និងវិស័យសិល្បៈជាដើម។
ទន្ទឹមគ្នា នៃសន្ទុះគាំទ្រកាន់តែហក់ឡើងនេះដែរ លោក សាយ ក៏មិនដែលភ្លេចឡើយចំពោះការងារកៀរគររកថវិកាដើម្បីជួយដល់កុមារនៅកម្ពុជា។ សកម្មភាពនេះ កំពុងទទួលបានការគាំទ្រ និងសរសើរពីមជ្ឈដ្ឋានមហាជនគ្រប់ទីកន្លែង។
យ៉ាងណាមិញ សាយ បានបង្ហើបគម្រោងបង្កើតកម្មវិធីរត់ឡើងប្រាសាទព្រះវិហារអបអរសាទរខួបលើកទី ១៥ ឆ្នាំ ចុះបញ្ជីបេតិកភណ្ឌ។ លោក សាយ បានបង្ហោះថា «បើខ្ញុំធ្វើកម្មវិធីរត់ឡើងប្រាសាទព្រះវិហារ ៧ គីឡូម៉ែត្រ ដើម្បីអបអរសាទរខួបលើកទី ១៥ ប្រាសាទព្រះវិហារចុះបញ្ជីបេតិកភណ្ឌពិភពលោក អ្នកទាំងអស់គ្នា នឹងចូលរួមរត់ជាមួយខ្ញុំដែរឬទេ?»។
កាលពីព្រឹកថ្ងៃទី ៣១ ខែឧសភា ឆ្នាំ ២០២៣ នេះ កម្ពុជាថ្មី បានទំនាក់ទំនងតាមទូរស័ព្ទដើម្បីសូមការសួរនាំបន្ថែមពីលោក សាយ ដែរ តែនៅពេលទូរស័ព្ទចូលគ្មានអ្នកទទួល។ ដោយឡែកបើតាមការបញ្ជាក់ប្រាប់សារព័ត៌មានមួយ លោក សាយ ថា លោកកំពុងរៀបចំការស្នើសុំដំណើរការកម្មវិធីឲ្យជាក់លាក់សិន ទើបអាចបញ្ជាក់បន្ថែម។
សូមបញ្ជាក់ថា ប្រាសាទព្រះវិហារ ត្រូវបានបញ្ចូលក្នុងបញ្ជីបេតិកភណ្ឌពិភពលោកនៅថ្ងៃទី ០៧ ខែ កក្កដា ឆ្នាំ ២០០៨៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ