ជីវិតកម្សាន្ដ
មាស សុខសោភា ចេញមុខសុំទោសសម្តេចតេជោ និងក្រសួងវប្បធម៌ ព្រមទាំងមហាជន
កំពូលតារាចម្រៀងអ្នកនាង មាស សុខសោភា បានចេញមុខសុំទោសសម្តេចតេជោ ហ៊ុន សែន និងក្រសួងវប្បធម៌និងវិចិត្រសិល្បៈ ព្រមទាំងមហាជនខ្មែរទូទាំងប្រទេស ហើយបានសន្យាថា នឹងព្យាយាមសិក្សាស្វែងយល់បន្ថែមទៀតពីប្រវត្តិសាស្រ្តខ្មែរ។
ការចេញមុខសុំទោសរបស់តារាស្រី មាស សុខសោ នេះបន្ទាប់ពីនាងបានធ្វើការបង្ហោះចែករំលែក និងផ្សព្វផ្សាយបទចម្រៀងមួយបទក្រោមចំណងជើងថា “មរណ:ភាពព្រះស្វាមី ជ័យវរ្ម័នទី៧” បង្កឲ្យមានប្រតិកម្មរិះគន់ និងវែកញែកពីមហាជន។ ក្នុងនោះដែរសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ព្រមទាំងក្រសួងវប្បធម៌និងវិចិត្រសិល្បៈនៅយប់ថ្ងៃទី០៤ ខែមិថុនា ឆ្នាំ២០២៣ ក៏បានចេញសារពាក់ព័ន្ធចំពោះបទចម្រៀងនេះដែរ។
អ្នកនាង មាស សុខសោភា បានបង្ហាញខ្លឹមសារសុំទោសដូច្នេះថា “នាងខ្ញុំ មាស សុខសោភា សូមគោរពសូមទោសសម្តេចពុក ក្រសួងវប្បធម៌និងវិចិត្រសិល្បៈ ព្រមទាំងបងប្អូនប្រជាជនខ្មែរទាំងក្នុង និងក្រៅប្រទេសចំពោះកំហុសឆ្គងលើខ្លឹមសារនៃបទចម្រៀង «មរណៈភាពព្រះស្វាមីជ័យវរ្ម័នទី៧» ដែលបានបង្ហោះក្នុងហ្វេសបុកផេក និងឆាណែលយូធូបរបស់នាងខ្ញុំ”។
មាស សុខសោភា បន្តថា នាងពិតជាមិនមានចេតនាណាមួយក្នុងការបំភ្លៃប្រវត្តិសាស្រ្តខ្មែរនោះទេ តែដោយសារតែការខ្វះចន្លោះក្នុងការសិក្សាស្វែងយល់អោយបានស៉ីជម្រៅពីប្រវត្តិសាស្រ្តខ្មែរមុននឹងផលិតបទនេះឡើងទើបធ្វើអោយមានកំហុសឆ្គងកើតមានឡើងដោយអចេតនា។ នាង និងក្រុមការងារសង្ឃឹមថា សម្តេចពុក ក្រសួងពាក់ព័ន្ធនានា ព្រមទាំងបងប្អូនជនរួមជាតិ មេត្តាយោគយល់ និងអធ្យាស្រ័យដល់នាង។
តារាស្រីរូបនេះបញ្ជាក់ថា មកដល់ពេលនេះ នាងបានលុបទាំងស្រុងនូវវីដេអូចម្រៀងមួយបទនេះចេញពីហ្វេសបុកផេកនិងឆាណែលយូធូបរបស់នាងជាស្ថាពរហើយ។ នាងសន្យាថា ចាប់ពីថ្ងៃនេះតទៅនាងនឹងព្យាយាមសិក្សាស្វែងយល់បន្ថែមទៀតពីប្រវត្តិសាស្រ្តខ្មែរព្រមទាំងផលិតបទចម្រៀងដែលលើកស្ទួយវប្បធម៌អរិយធម៌ខ្មែរជាបន្តទៀត។
អ្នកនាង មាស សុខសោភា បន្ថែមទៀតថា សូមគោរពជូនពរសម្តេចពុក និងក្រុមគ្រួសារមានសុខភាពល្អបរិបូរ កំលាំងពលាំមាំមួន ដើម្បីបន្តដឹកនាំប្រទេសកម្ពុជា អោយមានភាពរីកចំរើនបន្តទៀត និងសូមជូនពរបងប្អូនជនរួមជាតិទាំងក្នុងនិងក្រៅប្រទេសជួបប្រទះតែសេចក្តីសុខចម្រើនកុំបីឃ្លាត៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ