Mario និង Baifern ឈ្នះពានរង្វាន់តារាសម្ដែងឆ្នើមប្រចាំឆ្នាំ

តារាសម្ដែង Mario Maurer និងតារាសម្ដែង Baifern Pimchanok ជាតារាជួរមុខថៃ ដែលកំពុងទទួលបានប្រជាប្រិយភាពខ្លាំងក្លាពីទស្សនិកទាំងនៅក្នុងវិស័យភាពយន្ត ផ្សាយពាណិជ្ជកម្ម និងថតបង្ហាញម៉ូដ។ ប៉ុន្មានឆ្នាំចុងក្រោយនេះ អ្នកទាំងពីរដណ្ដើមបានកេរ្តិ៍ឈ្មោះកាន់តែល្បីល្បាញ ក្រោយលេចមុខជាតួឯកជាច្រើនរឿង មិនថាខ្សែភាពយន្តភាគ និងខ្សែភាពយន្តខ្នាតធំនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលកន្លងកន្លងមក Mario និង Baifern ក៏ធ្លាប់ឈ្នះពានរង្វាន់ជាហូរហែ ទាំងពានរង្វាន់ជាតិ និងអន្តរជាតិ ទៅលើសមត្ថភាពសម្ដែង និងរូបសម្រស់របស់ពួកគេ។ តួយ៉ាងថ្មីៗនេះ អ្នកទាំងពីរបានឈ្នះពានមួយទៀតពីកម្មវិធីពានរង្វាន់ទូរទស្សន៍មាស លើកទី៣៧ ឆ្នាំ២០២៣។ ក្នុងនោះ Mario បានឈ្នះពានរង្វាន់តារាសម្ដែងប្រុសឆ្នើម ចំណែក Baifern ឈ្នះពានរង្វាន់តារាសម្ដែងស្រីឆ្នើម។

គួររំលឹកថា នេះមិនមែនជាលើកទី១ទេ ដែល Mario និង Baifern ដណ្ដើមបានពានរង្វាន់ប្រចាំឆ្នាំបែបនេះ ព្រោះកន្លងមកអ្នកទាំងពីរក៏ធ្លាប់ឈ្នះពានរង្វាន់តារាសម្ដែងឆ្នើមផងដែរ ខណៈ Mario ធ្លាប់ទាំងឈ្នះពានរង្វាន់តារាប្រុសសង្ហាបំផុតពីអន្តរជាតិទៀតផង៕

ប្រែសម្រួល៖ សន្យា

ចុចអាន៖ ប្រជាជនកូរ៉េប្រដូចស្គ្រីប Jennie នៅក្នុងរឿង The Idol ភាគ២ ទៅនឹងសម្ដីបាតសង្គម

ចុចអាន៖ Kratae ខំរកប្រាក់សង់ផ្ទះអស់ជិត ៣លានដុល្លារ បែររងពាក្យរិះគន់ថា ធ្វើរឿងខុសច្បាប់ទើបមានលុយ