Kratae ខំរកប្រាក់សង់ផ្ទះអស់ជិត ៣លានដុល្លារ បែររងពាក្យរិះគន់ថា ធ្វើរឿងខុសច្បាប់ទើបមានលុយ

តារាចម្រៀងថៃ Kratae RSiam ទម្លាយតម្លៃផ្ទះប្រណីតរបស់ខ្លួន ដែលទើបសង់រួចថា វាត្រូវបានចំណាយប្រាក់អស់ ១០០លានបាត សុទ្ធសឹងជាប្រាក់ដែលបានមកពីកម្លាំងញើសឈាមរបស់នាងទាំងអស់ ប៉ុន្តែបែរជាត្រូវ Hater នាំគ្នារិះគន់ថា នាងប្រហែលធ្វើរឿងខុសច្បាប់ ទើបមានលុយច្រើនយ៉ាងនេះ។

បន្ទាប់ពីបង្ហាញបន្ទប់ប្រណីតកាលពីសប្ដាហ៍មុន និងគ្រែថ្លៃ ១លានបាត ពេលនេះ Kratae ព្រមប្រាប់តម្លៃផ្ទះទាំងមូល ដែល​តម្លៃសរុបបានចាយអស់ប្រាក់ប្រមាណ​ ២.៨លានដុល្លារអាមេរិកឯណោះ។ ជាមួយគ្នានោះ នាងប្រាប់ថា ប្រាក់ទាំងអស់ជាប្រាក់របស់នាង ដែលនាងខំសន្សំពីការធ្វើការអស់ពេលជាច្រើនឆ្នាំកន្លងមក។

ក្រោយទម្លាយតម្លៃសង់ផ្ទះរួច ស្រាប់តែមានមតិមួយចំនួនបានរិះគន់តារាស្រីវ័យ ៣៥ឆ្នាំរូបនេះថា នាងសម្ញែងភាពហាយសូរ និងអំណួតជ្រុល សង្ស័យធ្វើអីខុសច្បាប់ផងក៏មិនដឹង ទើបមានលុយសង់ផ្ទះច្រើនម្ល៉ឺងៗ។ ភ្លាមៗ Kratae បានចេញមុខតបវិញថា “ហេតុអ្វីអ្នកខ្លះមិនអបអរសាទរពេលគេជោគជ័យ? ពេល​ឃើញ​គេ​ធ្វើ​ល្អ ​ទិញ​ផ្ទះ ឬ​ទិញ​ឡានថ្មី យើង​សរសើរ​គេទៅ គេប្រាកដជាសប្បាយចិត្ត” ។

តារាស្រីនិយមលេងខ្លួនសិចស៊ីរូបនេះបន្ថែមទៀតថា ​ទោះបីនាងសង់ផ្ទះអស់ប្រាក់រាប់លានបាតពិតមែន នាងមិនធា្លប់លើកខ្លួនជាអ្នកមាននោះទេ ហើយនាងក៏មិនចង់ប្រៀបធៀបខ្លួននឹងនរណាដែរ។ ផ្ទុយទៅវិញនាងតែងតែសប្បាយចិត្ត ព្រោះធ្លាប់ធ្លាក់ខ្លួន ហើយអាចខំប្រឹងបានប៉ុនណេះ។ នាងពិតជាហួសចិត្តណាស់ ដែលអ្នកខ្លះមិនគាំទ្រនាងហើយ ថែមទាំងឌឺដងថា នាងធ្វើរឿងខុសច្បាប់ទៀត៕

ប្រែសម្រួល៖ សន្យា

ចុចអាន៖ Kratae ឆ្លើយតបជុំវិញពាក្យរិះគន់ថា នាងរហន់រៀបការពេក

ចុចអាន៖ ស្រឡាញ់គ្នា ៣ឆ្នាំ គេសួរពេលណារៀបការ Taew ឆ្លើយលឿនស្លេវបែបនេះ