សោភាទេពី សុខចិត្តលះបង់សាច់ខ្ចីដើម្បីសម្រេចបំណងមួយនេះ

ភ្នំពេញ៖ ស្របពេលអាជីពសិល្ប:កំពុងតែមានសន្ទុះទៅមុខ តារាចម្រៀង សោភាទេពី ធ្វើឲ្យមហាជនកាន់តែចាប់អារម្មណ៍ថែមទៀតជាមួយការប្រែមុខមាត់ថ្មីលើវិស័យក្បាច់គុណបុរាណខ្មែរ ល្បុក្កតោ ។ ខណ:មានទស្សនិកជនច្រើនចាត់ទុកនាងថា ជាបុគ្គលគំរូបសម្រាប់យុវជនខ្មែរ។

ជាក់ស្តែងថ្មីៗនេះកញ្ញា សោភាទេពី បានបង្ហោះសាររំលេចអមដោយរូបភាពនៃស្នាមជាំខ្មៅលើក្បាលជង្គង់និងកំភួនជើងជាច្រើនកន្លែងបង្ហាញពីការរងរបួសពេលកំពុងហ្វឹកហាត់ក្បាច់គុណល្បុក្កតោខ្មែរ។ ទេពី បញ្ជាក់ថា ទាំងនេះជាស្លាកស្នាមរបួសអំឡុងពេលហាត់ក្បាច់គុនល្បុក្កតោខ្មែរ។

កញ្ញា ញឹមសួន សោភាទេពី បានបំផុសទៀតថាជីវិតនារីក្បាច់គុណល្បុក្កតោគឺហ៊ានលះបង់រាងកាយដើម្បីវប្បធម៌ជាតិខ្មែរ និងដើម្បីក្បាច់គុណខ្មែរ។ ដូច្នេះសូមបងប្អូនដែលចង់ហាត់ក្បាច់គុណល្បុក្កតោខ្មែរមេត្តាទាក់ទងដើម្បីនាងប្រាប់ពីទីតាំង និងតម្លៃ។ បញ្ជាក់គ្រូខ្ញុំគឺអ្នកគ្រូ ពេជ្រ ចរណៃ និងលោកគ្រូ សិរី វង្ស៕

អត្ថបទ៖ ចាន់រ៉ា

ចុចអាន៖ គាំទ្រ !​ តារា​ប្រុស សិរី វង្ស បំផុស​យុវជន​ចូលរួម​ម្នាក់​១០០០​រៀល​ដើម្បី​ល្ខោនខោល​ខ្មែរ