ជីវិតកម្សាន្ដ

តារាភេទទី ៣ គន់ រៀមរតនៈ យកលុយសែន ច្នៃរ៉ូបស្លៀកប្លែកពីគេ

បានផុស

៣ years មុន

នៅ

ថ្ងៃព្រហស្បតិ៍ ១០ សីហា ២០២៣

ដោយ

តារាសម្ដែងភេទទី ៣ គន់ រៀមរតនៈ ហៅ ចែ រ៉ូហ្សា ដែលទស្សនិកជនភាគច្រើនស្គាល់តាមរយៈការសម្ដែងភាពយន្តខ្មែរជាច្រើន ថ្មីៗនេះបានធ្វើឲ្យមហាជនអ្នកគាំទ្រមានការចាប់អារម្មណ៍ជាថ្មី បន្ទាប់ពីតារាភេទទី ៣ រូបនេះ បញ្ចេញស្នាដៃច្នៃម៉ូដសម្លៀកបំពាក់(រ៉ូប) ចេញពីលុយដុល្លារសែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះភ្ជាប់ជាមួយរូបភាព ២ សន្លឹក ឈរកាច់រាងបង្អួតភ្នែកមហាជនពីសំណាក់តារាភេទទី ៣ លោក គន់ រៀមរតនៈ ដែលស្ថិតក្នុងរ៉ូបច្នៃចេញពីលុយដុល្លារសែននេះដែរ បាននិងកំពុងទាក់ទាញភ្នែកអ្នកគាំទ្រចំពោះស្នាដៃសម្រាប់ការច្នៃម៉ូដដ៏ស្រស់ស្អាតមួយឈុតនេះ។ នៅក្នុងឈុតនេះគេឃើញរំលេចនូវលុយដុល្លារសែនរាប់រយសន្លឹកដែលកើតចេញពីការច្នៃប្រឌិតប្លែកៗនេះឡើង។

យ៉ាងណាក្រៅពីការចាប់អារម្មណ៍ និងគាំទ្ររបស់មហាជនសម្រាប់ឈុតលុយដុល្លារសែននេះដែរ តារាភេទទី ៣ គន់ រៀមរតនៈ ក៏ទទួលបានការលើកទឹកចិត្តផងដែរនៅក្នុងការបង្ហាញខ្លួនជាមួយឈុតប្លែកភ្នែកមិនធ្លាប់ឃើញបែបនេះ។

សូមបញ្ជាក់ថា គន់ រៀមរតនៈ គឺជាអ្នកសិល្បៈមួយរូប ដែលភាគច្រើនសម្ដែងជាតួអង្គភេទទី ៣ ក្នុងខ្សែភាពយន្តនានា ក៏ដូចជារឿងភាគចាក់បញ្ចាំងតាមស្ថានីយទូរទស្សន៍ជាដើម។ បច្ចុប្បន្នក្រៅពីអាជីពសិល្បៈ លោកក៏មានមុខជំនួញលក់សំពត់ហូលខ្មែរយ៉ាងប្រណិតទៀតផង៕

អត្ថបទ ៖ ចាន់រ៉ា