ជីវិតកម្សាន្ដ

ណាំ ប៊ុណ្ណារ័ត្ន ទម្លាយរូប ១ សន្លឹក ធ្វើឲ្យអ្នកគាំទ្រនឹកឃើញគ្រាលោកចូលសិល្បៈដំបូង

បានផុស

៣ years មុន

នៅ

ថ្ងៃព្រហស្បតិ៍ ២៤ សីហា ២០២៣

ដោយ

ក្រោយបាត់មុខពីសិល្បៈមួយរយៈ កាលពីថ្មីៗនេះ ស្រាប់តែមានដំណឹង និងលេចវត្តមានរបស់តារាចម្រៀងលោក ណាំ ប៊ុណ្ណារ័ត្ន នៅក្នុងវិថីសិល្បៈជាថ្មីឡើងវិញ។ ទន្ទឹមគ្នា នៃការបង្ហាញមុខក្នុងវិស័យចម្រៀងរបស់លោក ណាំ ប៊ុណ្ណារ័ត្ន នាពេលនេះ បានធ្វើឲ្យអ្នកគាំទ្រមួយចំនួនសម្ដែងការលើកទឹកចិត្តឲ្យលោកចេញបទចម្រៀងស្នាដៃថ្មីៗ សម្រាប់មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នា នៃការបង្ហាញខ្លួនក្នុងវិស័យសិល្បៈនេះ លោក ណាំ ប៊ុណ្ណារ័ត្ន មុននេះ បានបញ្ចេញរូបភាពមួយសន្លឹករម្លឹកអតីតកាលរបស់ខ្លួន ដែលធ្វើឲ្យអ្នកគាំទ្រនឹកឃើញគ្រាលោកចូលសិល្បៈដំបូងៗ។ រូបភាពអំឡុង ២០ ឆ្នាំមុន ដែល ប៊ុណ្ណារ័ត្ន យកមកបង្ហោះនេះ ក៏មានការបញ្ចេញមតិពីសំណាក់អ្នកគាំទ្រមួយចំនួន ក្រោយឃើញរូប ១ សន្លឹកនោះផងដែរ។ លោក ណាំ ប៊ុណ្ណារ័ត្ន បាននិយាយថា «មានបងប្អូនយើងណាចិត្តបានធ្វើ AI រូបនេះមួយមកណា រូប ២០ ឆ្នាំមុន»។

គេចាំបានថា លោក ណាំ ប៊ុណ្ណារ័ត្ន ជាតារាចម្រៀងល្បីឈ្មោះប្រចាំប្រទេសកម្ពុជាមួយរូប កន្លងមកអ្នកគាំទ្រធ្លាប់ដឹងហើយថា សម្រាប់ទីផ្សារចម្រៀងរបស់លោកហាក់មានសន្ទុះខ្ពស់ មិនចាញ់តារាប្រុស-ស្រីរួមជំនាន់ឡើយ តាមរយៈទឹកដមសំឡេងពីរោះក្រអួនក្រអៅ។

យ៉ាងណាមិញក្រោយសាងប្រជាប្រិយភាព និងកេរ្តិ៍ឈ្មោះល្បីល្បាញមួយសន្ទុះធំ ស្រាប់តែក្រោយមកលោក ណាំ ប៊ុណ្ណារ័ត្ន បានបាត់មុខពីវិថីសិល្បៈអស់រយៈកាលជាច្រើនឆ្នាំ។ កាលនោះលេចឮព័ត៌មានថា លោកបានរៀបការជាមួយភរិយា រួចក៏សម្រេចចិត្តប្រើជីវិតសាមញ្ញសាងសុភមង្គលគ្រួសារយ៉ាងមានសេចក្ដីសុខបំផុត៕

អត្ថបទ ៖ ចាន់រ៉ា