ជីវិតកម្សាន្ដ
ពិធីករ សុខ រ៉ាស៊ី ប្រកាសថតមិនយកលុយ ៥ ឆ្នាំ ជាការដឹងគុណឧកញ៉ា ឈាង រ័ត្ន
ពិធីករល្បីឈ្មោះលោក សុខ រ៉ាស៊ី បញ្ជាក់ថា លោកសម្រេចថតផ្សព្វផ្សាយឲ្យក្រុមហ៊ុនសម្រស់ធម្មជាតិរយៈពេល ៥ ឆ្នាំ ដោយមិនយកលុយសូម្បីមួយរៀល ជាការតបស្នងសងគុណដល់លោកឧកញ៉ា ឈាង រ័ត្ន និងអ្នកនាង ស្រីអូន ដែលធ្លាប់ផ្តល់ក្តីស្រលាញ់ចំពោះរូបលោកកន្លងមក។
ការប្រកាសពីសំណាក់ពិធីករពូកែសម្តី មិនចេះរីងស្ងួត លោក សុខ រ៉ាស៊ី នេះ ធ្វើឡើងបន្ទាប់ពីពិធីបុណ្យគម្រប់ខួប ៧ ថ្ងៃ របស់សពលោកឧកញ៉ា ឈាង រ័ត្ន ទើបតែត្រូវបានបញ្ចប់នៅព្រឹកថ្ងៃទី ១៧ ខែតុលា ឆ្នាំ ២០២៣ នេះ។ លោក សុខ រ៉ាស៊ី បញ្ជាក់ថា លោកជំពាក់គុណឧកញ៉ា ឈាង រ័ត្ន និង អ្នកនាង ស្រីអូន ច្រើនណាស់ ហេតុនេះទើបលោកសម្រេចចិត្តធ្វើបែបនេះ ដើម្បីតបស្នងដល់ពួក គាត់។
ទង្វើរបស់លោក សុខ រ៉ាស៊ី នាពេលនេះកំពុងត្រូវបានអ្នកគាំទ្រ និងមហាជនជាច្រើន សម្តែងការសរសើរ ហើយគាំទ្រគ្រប់គ្នា។ លោក សុខ រ៉ាស៊ី បញ្ជាក់ថា «បង ឈាង រ័ត្ន ទៅបាត់ហើយ ខ្ញុំសូមសន្យាថា ថតជូនក្រុមហ៊ុនសម្រស់ធម្មជាតិ ៥ ឆ្នាំ មិនយកលុយសូម្បីមួយរៀល»។
គេកត់សម្គាល់ឃើញថា ចាប់តាំងពីការស្លាប់របស់លោកឧកញ៉ា ឈាង រ័ត្ន កាលពីថ្ងៃទី ១១ ខែតុលា ឆ្នាំ ២០២៣ រហូតមកដល់ពេលនេះ នៅតែមានការវែកញែកពីមហាជនជុំវិញករណីមួយនេះ។ ប៉ុន្តែសម្រាប់លោក សុខ រ៉ាស៊ី ជាបន្តបន្ទាប់តែងចេញមកអំពាវនាវឲ្យបញ្ឈប់ការវែកញែក ឬ ដាក់បន្ទុកលើនរណាម្នាក់។
លោក សុខ រ៉ាស៊ី លើកឡើងថា «គាត់(ឧកញ៉ា ឈាង រ័ត្ន) ទៅបានសុខហើយ ការងារដែលនៅសល់ សម្រាប់យើង សូមមេត្តាជួយនាំគ្នាលួងលោម និងលើកទឹកចិត្តក្រុមគ្រួសារគាត់ មិនមែនចាក់សាំងថែមបញ្ឆេះកំហឹងទេ សូមបងប្អូនជឿជាក់មន្ត្រីសមត្ថកិច្ចជំនាញធ្វើកោសល្យវិច័យវេជ្ជសាស្ត្រ និងកាមេរ៉ាសុវត្ថិភាពទៅ កុំឲ្យជនឆ្លៀតឱកាសមួយចំនួនកេងចំណេញបំភ្លៃព័ត៌មានបំផ្លាញសន្តិសុខជាតិចោទសង្គមអសន្តិសុខ ការចែករំលែកព័ត៌មានមិនពិតពីអត្តឃាតទៅជាឃាតកម្ម ជាការបំផ្លាញសន្តិសុខជាតិ និងប៉ះពាល់ដល់សតិអារម្មណ៍ផ្លូវចិត្តជាច្រើនដល់ប្រជាជនកម្ពុជា»៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ