នាថការី សុខគា គឹមលាង ប្តេជ្ញាផ្សព្វផ្សាយមរតកដូនតាខ្មែរ មិនឱ្យបាត់បង់

នាថការី សុខគា គឹមលាង ហៅ កូនអាន កន្លងមកត្រូវបានទស្សនិកជនដឹងថា នាងតែងមានភាពលេចធ្លោរលើសកម្មភា ពផ្សព្វផ្សាយវប្បធម៌សិល្បៈខ្មែរ។ តួយ៉ាងថ្មីៗនេះ សុខគា គឹមលាង បានចេញមុខប្តេជ្ញាចូលរួមផ្សព្វផ្សាយវប្បធម៌អរិយធម៌កេរត្តិ៍មរតកដូនតាខ្មែរមិនអាចឱ្យស្លាប់ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាថការី សុខគា គឹមលាង បានលើកឡើងតាមរយៈបណ្តាញសង្គមហ្វេសប៊ុកថា “ពាក្យស្លោកមួយឃ្លាបានពោលថា « វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើនថ្កាន»។ ក្នុងនាងខ្ញុំជាពលរដ្ឋខ្មែរម្នាក់ កើតមកជាតិនេះ សូមថ្វាយនូវការផ្សព្វផ្សាយនូវវប្បធម៌អរិយធម៌ទាំងអស់ដែលជាកេរមរតករបស់ដូនតាបានបន្សល់ពីសម័យបុរេប្រវត្តមកម៉្លេះ”។

សិល្បការិនីរូបនេះអះអាងដែរថា តាមកម្លាំងចិត្តដែលមាន មិនឱ្យបុព្វបុរសខ្មែរលោកខូចព្រះទ័យព្រោះថា «ជីវិតខ្ញុំជាជីវិតដែលអាចស្លាប់ ហើយរស់មកវិញបាន ក៏ប៉ុន្តែសិល្បៈមិនអាចស្លាប់បានទេ» កុំចាំតែបាត់បង់ទើបស្តាយក្រោយគួរតែស្គាល់ពីតម្លៃ និងចូលរួមថែរក្សាទាំងអស់គ្នានូវវប្បធម៌អរិយធម៌ជាសម្បត្តិបេតិកភណ្ឌពិភពលោកដ៏អស្ចារ្យដែលយើងទាំ ងអស់គ្នាជាជាតិខ្មែរមាន។

គួរបញ្ជាក់ថា កញ្ញា សុខ​គា គឹ​ម​លាង ហៅ កូនអាន កន្លងនាងធ្លាប់​ត្រូវបាន​ទស្សនិកជនដឹងថា​ នាងបានតំណែងជា​កញ្ញាឯក​សង្ក្រាន្ត​ដ៏​ស្រស់​ស្អាតនាអំឡុងឆ្នាំ២០១៨។ រឿងដែលចាប់អារម្មណ៍ថែមទៀត កាលពីថ្មីៗស្រីស្អាតរូបនេក៏បានលេចវត្តមានតាមរយៈការចែករំលែកវីដេអូ និងរូបភាពនារីរាំលើក្បាលទូកអំឡុងពិធីអុំទូកនៅខេត្តសៀមរាប។

រូបភាពនេះត្រូវបានបន្តចែករំលែកនៅលើបណ្តាញសង្គមហ្វេសប៊ុក និង TikTok ជាមួយការសរសើររូបសម្រស់របស់នាង ដោយកាយវិកាទន់ភ្លន់ល្វត់ល្វន់រំលេចសម្លៀកបំពាក់សាកសមជានារីខ្មែរថែរក្សាវប្បធម៌មរតកដូនតា៕

អត្ថបទ៖ ចាន់រ៉ា