ជីវិតកម្សាន្ដ
តើ នាយ ក្រិន សុខទុក្ខយ៉ាងណា ក្រោយបាត់មុខពីសិល្បៈមួយរយៈធំ?
មហាជន និងអ្នកគាំទ្រ កត់សម្គាល់ថា ការបាត់ដំណឹងពីសិល្បៈរបស់ នាយ ក្រិន នេះ គឺចាប់តាំងពីនាយជួបរឿងអកុសល ត្រូវបែកបាក់ភរិយាទី ២ ដោយសារលួចផិតក្បត់មានអ្នកថ្មីរហូតឈានដល់ផ្លូវលែងលះគ្នា។ មិនតែប៉ុណ្ណោះ អាជីពបើកហាងរបស់ នាយ ក្រិន ក៏ត្រូវបានបិទទ្វារទាំងស្រុង ព្រោះក្ស័យធន។
បន្ទាប់ពីកើតមានរឿងរ៉ាវនេះឡើង តារាកំប្លែងមាឌល្អិតអភ័ព្វស្នេហ៍ លោក ទេស សុជន ហៅ នាយក្រិន កាលពីអំឡុងឆ្នាំ ២០២១ កន្លងទៅ បានធ្លាក់ខ្លួនឈឺ តែក្រោយព្យាបាលជំងឺ លោកក៏បានជា សះស្បើយឡើងវិញ។ យ៉ាងណា រហូតមកទល់ពេលនេះ នាយ ក្រិន បាត់ដំណឹងសូន្យឈឹងពីអាជីពសិល្បៈតែម្ដង។ ជាមួយនោះ ហេតុផលនេះ ទើប កាលពីចុងឆ្នាំ ២០១៩ នាយ ក្រិន បានសម្រេចវេចបង្វេច និងនាំកូនៗ ទាំង ៣ នាក់ យ៉ាងកម្សត់ ចាកចេញពីរាជធានីភ្នំពេញ ទៅរស់នៅឯស្រុកកំណើតនៅខេត្តបាត់ដំបង។ ការបាត់មុខយូរពីអាជីពសិល្បៈ ក៏មានទស្សនិកជន និងអ្នកគាំទ្រមួយចំនួន កើតចម្ងល់នាំគ្នាសួរនាំពីរឿងរ៉ាវរបស់នាយ ក្រិន ផងដែរ។
ដោយឡែកបើតាមការបញ្ជាក់នៅក្នុងការ Live ជាលើកដំបូងរបស់ នាយ ក្រិន កាលពីថ្មីៗ នេះ បាននិយាយថា បច្ចុប្បន្នលោកកំពុងរស់នៅជាមួយកូនៗ ទាំង ៣ នាក់ ឯស្រុកកំណើតខេត្តបាត់ដំបង។ ចំណែកសុខទុក្ខរបស់នាយសព្វថ្ងៃ គឺសុខជាធម្មតា ខណៈកន្លងមកដើរសម្ដែងតាមរោងល្ខោនបាសាក់ ប៉ុន្តែទើបតែមួយរយៈនេះស្ងាត់មិនសូវមានគេហៅ ឬ ជួល។
ជាមួយគ្នា នៃការលេចមុខតាមរយៈការ Live នេះដែរ នាយ ក្រិន បានលើកឡើងបន្ថែមថា មូលហេតុដែលលោកបាត់មុខពីសិល្បៈកំប្លែងមួយរយៈធំ ដោយសារតែតាមស្ថានីយទូរទស្សន៍គេបិទមិនឲ្យមានកម្មវិធីកំប្លែងដូចមុន។ ក្នុងពេលនេះដែរ នាយ ក្រិន ក៏បានប្រកាសលក់ដី និងផ្ទះដែលរស់នៅនាខេត្តបាត់ដំបងផងដែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា