ជីវិតកម្សាន្ដ

មាស នីតា រម្លឹកទាំងឈឺចាប់ ២៦ ឆ្នាំ ដែលឪពុកបោះបង់ចោល

បានផុស

២ years មុន

នៅ

ថ្ងៃពុធ ៧ កុម្ភៈ ២០២៤

ដោយ

តារាចម្រៀងកញ្ញា មាស នីតា បានរម្លឹកទាំងអារម្មណ៍ឈឺចាប់បន្ទាប់ពីត្រូវឪពុកបង្កើតបោះបង់រយៈពេលជាង ២០ឆ្នាំ ធ្វើឲ្យនាងរស់នៅយ៉ាងកម្សត់ជាមួយអ្នកម្តាយ និងបងប្រុស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងកញ្ញា មាស នីតា បានលើកឡើងថា «រយៈពេល ២៦ឆ្នាំដែលខ្ញុំមិនបានជួបឪពុកបង្កើត ដែលផ្តល់កំណើតខ្ញុំរួច គាត់ក៏ចាកចេញទាំងដែលខ្ញុំមិនទាន់បានឃើញពន្លឺថ្ងៃ ម្តាយដ៏កំសត់របស់ខ្ញុំ មិននឹកស្មានថា កម្មវិធី Cambodia Idol ដែលផ្តល់ពន្លឺ ជីវិតឲ្យខ្ញុំ ហើយថែមទាំងផ្តល់នៅសេចក្តីមួយដែលមិននឹកថា អាចនឹងជួប (ឪពុកបង្កើត) ខ្ញុំសឹងតែមិនជឿថា រយៈពេល ២៦ឆ្នាំខ្ញុំអាចជួបគាត់»។

តារាស្រី មាស នីតា បានបន្តថា «ដោយម្តាយខ្ញុំខំដើរតួជាប្រុសផង ស្រីផង មិនហត់នឿយបោសសំរាម លាង ចាន ស៊ីឈ្នួលគេគ្រប់យ៉ាងគឺដើម្បីកូន នារីដែលរឹងមាំបំផុត បើទោះសុំទានគេក៏ដោយ ឲ្យតែកូន បានឆ្អែតនឹងក្តីសុខ ទោះខ្លួនលំបាក. ខ្ញុំបានរីកធំធាត់បានសព្វថ្ងៃ គឺនារីកំសត់ម្នាក់ដែលជា(ម្តាយ) ដល់ឥឡូវ ខ្ញុំបែរជាទទួលពាក្យថា មិចក៏មិនដឹងគុណឪពុក មិចក៏មើលរំលងគាត់ បើសិនជាបង ដឹងរឿងពិតបានបងដឹង ខ្ញុំមិនបាន ភ្លេច រឺភ្លេចគុណទេ ខ្ញុំចាំជានិច្ច ខ្ញុំសងគុណជានិច្ចដោយមិនរមិលគុណជាឪពុក តែ…….»។

កញ្ញា មាស នីតា បាននិយាយទៀតថា «បើទោះជាឪពុកខ្ញុំបង្កើតចោលក៏ដោយ ក៏ខ្ញុំសូមក្រាបសំពះ ៣ដងដែរព្រោះ ខ្ញុំមិនដែលភ្លេចគុណ ឬកំណើតទេ ខ្ញុំជាមនុស្សស្ងាប់ស្ងាត់បំផុត ខ្ញុំមិនចេះរៀបរាប់ទេ»។

ប្រាកដណាស់ មាន នីតា គេសង្កេតឃើញថា នាងតែងតែធ្វើបានល្អជានិច្ចជាមួយនឹងសម្លេងមនោសញ្ចេតនា ក្រអួន ក្រអៅរបស់រូបគេ ខណៈចំនួនអ្នកគាំទ្រកើនឡើងជាលំដាប់។ ម្យ៉ាងទៀតចាប់តាំងពីបញ្ចប់ការប្រឡងមកកញ្ញា ពៅ ស្រីមាស ហៅ មាស នីតា គឺទទួលបានទីផ្សាការងារច្រើនទាំងការឡើកឆាកតន្រ្តី និងថតសម្អាងការជាបន្តបន្ទាប់ផងដែរ៕

អត្ថបទ៖ ចាន់រ៉ា