អ្នកនិពន្ធចម្រៀង ស៊ិន ធារី ទម្លាយគន្លឹះ៥ចំណុចដើម្បីនិពន្ធបទចម្រៀងមនោសញ្ចេតនាបានល្អ

ដើម្បីជាគន្លឹះក្នុងការតែងនិពន្ធបានល្អ អ្នកនិពន្ធបទចម្រៀងវ័យក្មេងដ៏ឆ្នើមកញ្ញា ស៊ិន ធារី បានចេញមកបង្ហើបប្រាប់៥ចំណុចដល់អ្នកគាំទ្រពិសេសអ្នកដែលនិយមចូលចិត្តនិពន្ធបទចម្រៀងបែបមនោសញ្ចេតនាស្នេហាលន្លង់លន្លោចផ្តោតលើយុវវ័យតែម្តង។

ប្រាកដណាស់បទចម្រៀងដែលអ្នកនិពន្ធ ស៊ិន ធារី ធ្លាប់បានបញ្ចេញស្នាដៃសម្រាប់តារាប្រុស-ល្បីៗមួយចំនួនមានដូចជា បទ” បងពីមុនឆ្កួតបាត់ទៅហើយ” ច្រៀងដោយលោក ឆាយ វីរ:យុទ្ធ បទ ” ខឹងឬស្អប់បងអាចជេរអូនបាន” បទ”នឹកខ្លួនឯង” ច្រៀងដោយកញ្ញា អ៊ីវ៉ា បទ “គេមិនបានស្រលាញ់យើងទេ” ច្រៀងដោយកំពូលតារាចម្រៀង សុខ ពិសី និងមានបទចម្រៀងជាច្រើនទៀតផងដែរ។

គន្លឹះទាំង៥ចំណុចដែលត្រូវបានអ្នកនិពន្ធ ស៊ិន ធារី ទម្លាយប្រាប់មហាជនដើម្បីនិពន្ធបទចម្រៀងមនោសញ្ចេតនាឲ្យបានល្អរួមមាន ១.ស្តាប់ភ្លេងឲ្យច្រើនដង ២.ចំណងជើងឲ្យទាក់ទាញ ៣.អត្ថន័យចាក់ឲ្យចំបេះដូង ៤.ចាត់ទុកជារឿងពិតខ្លួនឯង ៥.គោរពចុងជួន។

កញ្ញា ស៊ិន ធារី បានបន្ថែមថា នាងមិនខ្លាំងអីទេត្រឹមជាអ្នកនិពន្ធជំនាន់ក្រោយធម្មតាៗម្នាក់មានបទពិសោធន៍តិចតូចស្តួចស្តើង ប៉ុន្តែចង់ចែករំលែកបទពិសោធន៍ផ្ទាល់ខ្លួនរយ:ពេលប៉ុន្មានឆ្នាំនេះដែលបានដើរលើវិថីមួយនេះទៅកាន់បងប្អូនដែលស្រលាញ់ការតែងនិពន្ធ និងចង់ក្លាយជាអ្នកនិពន្ធដូចរូបខ្ញុំអោយបានយល់ដឹងទាំងអស់គ្នា៕

អត្ថបទ៖ ចាន់រ៉ា