ជីវិតកម្សាន្ដ
មិនបង្អង់យូរ ! ឃុំ ប៉ុណ្ណាដែត ចេញមកឆ្លើយតបភ្លាមៗ ក្រោយរងការរិះគន់ប្រមាថពីបុគ្គលម្នាក់
តារាចម្រៀងប្រុសចាស់វស្សាលោក ឃុំ ប៉ុណ្ណាដែត បានសម្តែងការហួសចិត្ត និងចេញមុខឆ្លើយតបវិញភ្លាមៗ បន្ទាប់ពីត្រូវបានអ្នកប្រើប្រាស់បណ្ដាញសង្គមហ្វេសប៊ុកម្នាក់រិះគន់ប្រមាថដល់កិត្តិយស គ្រាន់តែលោកចេញសារដាស់តឿនពាក់ព័ន្ធរឿងស្ថានភាពសេដ្ឋកិច្ចការងារនៅឆ្នាំ ២០២៤ នេះ។
លោក ឃុំ ប៉ុណ្ណាដែត បានបង្ហោះខ្លឹមសារមួយដោយមានអត្ថន័យថា «អ្នកនៅមានការងារធ្វើ ២០២៤ នេះ សូមកុំរអ៊ូនឹងប្រាក់ខែ ឬការងារហត់ ត្រូវចាំថា អ្នកនៅមានសំណាងណាស់ដែលមានការងារធ្វើ»។ តារាចម្រៀងប្រុសរូបនេះ បានបញ្ជាក់បន្ថែមទៀតថា «តាមការគួរ បើឯកភាពសុំមេដាយមួយមក ព្រោះពេលនេះខ្ញុំគ្មានប្រាក់ខែបើកដូចគេទេ…»។
បន្ទាប់ពីមានការលើកឡើងយ៉ាងដូច្នេះ ស្រាប់តែភ្លាមៗ នោះ គេឃើញម្ចាស់គណនីហ្វេសប៊ុកមួយ បានចូលទៅបញ្ចេញមតិរិះគន់តារាចម្រៀងលោក ឃុំ ប៉ុណ្ណាដែត ដោយពាក្យសម្តីធ្ងន់បែបនេះថា «សម្តីគ្មានកំណើត របរមានច្រើន»។ ក្នុងនោះ ដោយឃើញការរិះគន់នេះ លោក ឃុំ ប៉ុណ្ណាដែត បានចូលឆ្លើយតបវិញថា «សម្តីមនុស្សមានកំណើតគេអត់និយាយបែបនេះទេ»។
លោក ឃុំ ប៉ុណ្ណាដែត បានបញ្ជាក់បន្ថែមថា «ខ្ញុំ Post ក្នុងគោលបំណងចង់ឲ្យបងប្អូនយើងគាត់ស្រលាញ់ការងារ ហើយឲ្យយល់ពីស្ថានភាពសេដ្ឋកិច្ចពិភពលោក មិនមានចេតនាអ្វីផ្សេងឡើយ ខ្ញុំអាចឆ្លើយតបទៅលោកបានតែប៉ុណ្ណឹង»។
ទន្ទឹមគ្នានេះក៏មានការលើកឡើងពីអ្នកគាំទ្រដែរថា «បងនិយាយត្រូវ ការងារក្នុងអំឡុង ២០២៤ នេះ ឲ្យតែអ្នកមានការងារធ្វើគឺគ្រាន់បើហើយ ព្រោះការងារវាមិនចេះតែមានឲ្យយើងធ្វើបានគ្រប់ពេលទេ»៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ