ឃុំ ប៉ុណ្ណាដែត ផ្តាំកូនខ្មែរគ្រប់រូបឱ្យចេះចងចាំ និងឈឺចាប់ រឿងដែលក្រុមជ្រុលនិយមថៃឈ្លានពានទឹកដីកម្ពុជា

ក្រោយកម្ពុជារងការឈ្លានពានពីសំណាក់កងទ័ពថៃ និងការប្រមាថពីក្រុមជ្រុលនិយមថៃ តារាចម្រៀងជើចាស់លោកឃុំ ប៉ុណ្ណាដែត បានចេញសារបំផុសស្មារតីក៏ដូចជាការដាស់តឿនអារម្មណ៍កូនខ្មែរគ្រប់រូប ត្រូវចងចាំ និងចេះឈឺចាប់ដែលក្រុមជ្រុលនិយមថៃ ប្រមាថមកលើប្រទេសកម្ពុជា ពិសេសការប្រមាថចំពោះថ្នាក់ដឹកនាំកំពូលកម្ពុជា។

ការលើកឡើងរបស់តារាចម្រៀងប្រុសរូបនេះ ស្របពេលដែលបច្ចុប្បន្ននៅតាមបន្ទាត់ព្រំដែនរវាងកម្ពុជានិងថៃ បាននិងកំពុងតែមានបញ្ហាប្រឈមដាក់គ្នា ក្រោយកងទ័ពរបស់ក្រុមជ្រុលនិយមថៃ ចូលមកឈ្លានពានទឹកដីរបស់ប្រទេសកម្ពុជាប៉ុន្តែកងទ័ពកម្ពុជាបាននឹងកំពុងឈរការពារការទឹកដីជាតិមាតុភូមិយ៉ាងរឹងមាំមិនឲ្យចោរឈ្លានពានបានឡើយ។

តារាចម្រៀងលោក ឃុំ ប៉ុណ្ណាដែត បានចេញខ្លឹមសារដោយបំផុសដូច្នេះថា “ពូជសៀមជាពូជចោរប្រវត្តិសាស្ត្រគ្រប់ជំនាន់ ដែលកូនខ្មែរគ្រប់រូបត្រូវចងចាំឈឺចាប់បំផុត នៅពេលអ្នកឯងប្រមាថប្រមុខដឹងនាំរបស់ខ្ញុំ”។ ការបំផុសរបស់តារាចម្រៀងលោក ឃុំ ប៉ុណ្ណាដែត នេះបានធ្វើឱ្យទស្សនិកជនបង្ហាញការគាំទ្រ និងស្នើឱ្យកូនខ្មែរគ្រប់រូបត្រូវចងចាំឱ្យ ច្បាស់ចំពោះទង្វើចោរសៀម។

ជាកត់សម្គាល់ មួយរយ:នេះ អ្នកសិល្ប:និងមហាជនខ្មែរមួយចំនួនធំ បានប្រកាសឆន្ទ:ស្ម័គ្រចិត្តស្នេហាជាតិបន្តបន្ទាប់ ជាតិការពារទឹកដី ប្រសិនបើ​ជាតិមាន​តម្រូវការ ខណ:​សកម្មភាព​នេះ​បង្ហាញ​ពី​ការ​សាមគ្គី​ការពារ​ទឹកដី​ក្នុង​នាម​ជា​កូន​ខ្មែរ៕ ចាន់រ៉ា