ជីវិតកម្សាន្ដ

សុខ ស្រីម៉ុច ស្នើឲ្យយុវជនខ្មែរគាំទ្រលើកតម្កើនវិស័យសិល្បៈ និងភាពយន្តខ្មែរ

បានផុស

១ year មុន

នៅ

ថ្ងៃអង្គារ ១៩ មីនា ២០២៤

ដោយ

ដើម្បីចូលរួមលើកស្ទួយវិស័យសិល្បៈខ្មែរ តារាសម្តែង និងចម្រៀងកញ្ញា សុខ ស្រីម៉ុច បានចេញមុខមកអំពាវនាវដល់មហាជនក៏ដូចជាយុវជនខ្មែរត្រូវចូលរួមការគាំទ្រចំពោះវិស័យភាពយន្តជាតិឲ្យបានផុលផុស ខណៈបច្ចុប្បន្នលំហូរនៃភាពយន្តបរទេសកំពុងមានការប្រកួតប្រជែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីកញ្ញា សុខ ស្រីម៉ុច បានប្រាប់ «កម្ពុជាថ្មី» ឲ្យដឹងថា «ខ្ញុំសូមស្នើដល់បងប្អូនមហាជនខ្មែរត្រូវចូលរួមគាំទ្រលើស្ទួយវិស័យភាពយន្តខ្មែរយើងឲ្យបានច្រើនជាងការគាំទ្រភាពយន្តបរទេសដែលជាប្រទេសជិតខាងហើយម្យ៉ាងទៀតក៏អំពាវនាវឲ្យមានការកាត់បន្ថយការនាំចូល ឬចាក់បញ្ចាំងភាពយន្តបរទេសដើម្បីឲ្យភាពយន្តរបស់ខ្មែរកាន់តែមានការគាំទ្រច្រើនថែមទៀត»។

កញ្ញា សុខ ស្រីម៉ុច បាននិយាយទៀតថា អ្វីដែលជាការព្រួយបារម្ភនោះ គឺយុវជនខ្មែរមួយចំនួនហាក់មិនសូវជាមើលឃើញពីតម្លៃភាពយន្តក្នុងស្រុកទេដោយបងប្អូនខ្លះងាកទៅគាំទ្រតែភាពយន្តរបស់ប្រទេសជិតខាង ដូច្នេះទើបនាងបានចេញមកស្នើរដោយទទូចឲ្យចូលរួមគាំវិស័យភាពយន្តរបស់ខ្មែរដែលផលិតករខិតខំកន្លងមក។

គួរកត់សម្គាល់ថា តារាសម្ដែង និងចម្រៀងកញ្ញា សុខ ស្រីម៉ុច ឬ ទេព ស្រីម៉ុច បច្ចុប្បន្នត្រូវគេមើលឃើញថា ថ្វីត្បិតនាងមានភាពមមាញឹកការងារច្រើនទាំងអាជីពសិល្បៈ និងផ្ទាល់ខ្លួនបន្តិចក្តី តែបើនិយាយពីរូបសម្រស់កាន់តែស្អាតផូរផង់ជាងមុន ស្របពេលដែលជីវិតរបស់នាងក៏មានលទ្ធភាពឡូយឆាយបើធៀបនឹងមិត្តភក្តិរួមអាជីពសិល្បៈ៕

អត្ថបទៈ ចាន់រ៉ា