Connect with us

ជីវិតកម្សាន្ដ

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

បានផុស

នៅ

ស្រប​ពេល​កំពុង​ជួប​ទុក្ខ​លំបាក​រឿង​ជំពាក់​បំណុល​ជាង ១០ ម៉ឺន​ដុល្លារ តារា​ចម្រៀង​មាឌ​ធំ ថ្គាម​ខ្លា លោក អ៊ីណូ ស្រាប់តែ​ប្រកាស​ឆន្ទៈ​ក្នុង​ការ​ជួយ​ផ្សព្វផ្សាយ​ផលិតផល​កសិករ​ខ្មែរ​ដោយ​មិន​គិត​ថ្លៃ ដើម្បី​រក​ទីផ្សារ​ជូន​ដល់​ពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារា​ចម្រៀង​ម្ចាស់​បទ”​អូន​កុំ​យំ​កុំ​យំ​” លោក សាន ពេជ្រ​សុភា​រិទ្ធ ហៅ (អ៊ីណូ​) ក្រោយ​ជួប​ការ​លំបាក ពេលនេះ​ក៏បាន​យល់​ពី​ទឹកចិត្ត​មហាជន​អ្នកគាំទ្រ​គ្រប់​ខេត្ត-ក្រុង ដែល​ស្រឡាញ់​រាប់អាន​រូបលោក​​អស់​រយៈពេល​ជាង ១០ ឆ្នាំ កន្លង​មក​នេះ។ ទន្ទឹម​នោះ លោក ក៏បាន​យល់​ឃើញ​ពី​ផល​លំបាក​របស់​កសិករ​តាម​ស្រុក​ស្រែ​ចម្ការ ដែល​ពិបាក​រក​ទីផ្សារ​ផលិតផល​ខ្មែរ​ក្នុង​ស្រុក​ជា​លក្ខណៈ​គ្រួសារ​ដែរ។

តារា​ចម្រៀង អ៊ីណូ បញ្ជាក់​ថា «ក្នុង​ពេល​ដ៏​លំបាក​នេះ ខ្ញុំ ENO សូម​ប្រកាស នឹង​ជួយ​ផ្សព្វផ្សាយ​ពុក​ម៉ែ បង​ប្អូន យាយ​តា គ្រប់​ផលិតផល​ខ្មែរ​លក្ខណៈ​គ្រួសារ ពិសេស​ផលិតផល​កសិកម្ម​វិញ​គ្រប់​ខេត្ត​-ក្រុង​តាម​លទ្ធភាព​ដែល​អាច​ធ្វើ​ទៅ​បាន ដោយ​មិន​គិត​កម្រៃ។ សូម​ធ្វើការ​ទំនាក់ទំនង ENO តាម Telegram ខាងក្រោម ០៨៨ ៩៩ ៩៩ ៤៨០»។

គួរ​រម្លឹក​ដែរ​ថា តារា​ចម្រៀង​ចាស់​វស្សា​លោក សាន ពេជ្រ​សុភា​រិទ្ធ ហៅ (អ៊ីណូ) ក្រោយ​សាង​កេរ្តិ៍​ឈ្មោះ​ល្បី​ក្នុង​វិថី​សិល្បៈ​ជិត ២០ ឆ្នាំ មកនេះ ស្រាប់តែ​កាលពី​ថ្មីៗ នេះ តារា​ប្រុស​មាឌ​ធំ​ដំបង​រូប​នេះ បាន​ដាច់​ចិត្ត​ចេញ​មុខ​ទម្លាយ​រឿង​ដ៏​ភ្ញាក់ផ្អើល​ជុំវិញ​រឿង​ផុងខ្លួន​ជំពាក់​បំណុល​ខ្ទង់ ១០ ម៉ឺន​ដុល្លារ ទាំង​កម្ចី Online ចិន ធនាគារ និង​ឯកជន​ជាដើម…៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម