ជីវិតកម្សាន្ដ

នាដការី សុខគា គឹមលាង មោទនភាពកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ

បានផុស

២ years មុន

នៅ

ថ្ងៃសុក្រ ២២ មីនា ២០២៤

ដោយ

សិល្បការិនីដ៏ឆ្នើមនាដការីកញ្ញា សុខគា គឹមលាង ហៅ កូនអាន់ កន្លងមកត្រូវបានទស្សនិកជនបានដឹងថាឋនាងតែងមានភាពលេចធ្លោលើសកម្មភាពផ្សព្វផ្សាយវប្បធម៌សិល្បៈខ្មែរ។ តួយ៉ាងកាលពីថ្មីៗកន្លង ទៅសុខគា គឹមលាង បានចេញមុខប្ដេជ្ញាចូលរួមផ្សព្វផ្សាយវប្បធម៌ អរិយធម៌ កេរ្តិ៍មរតកដូនតាខ្មែរមិនអាចឲ្យស្លាប់ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះ នាដការីកញ្ញា សុខគា គឹមលាង បានចេញមកអះអាងថា នាងពិតជាសំណាងណាស់ដែលបានកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ។ កញ្ញា កូនអាន់ បានលើកឡើងថា ជម្រាបសួរបងប្អូនទាំងអស់គ្នាក្នុងស្រុកនឹងក្រៅស្រុកមាននឹក «អប្សរាទឹកកក» នេះដែរទេចា៎ ហើយនេះក៏ជាផេកផ្លូវការរបស់នាងខ្ញុំពិតប្រាកដផងដែរ។

កញ្ញា សុខគា គឹមលាង បានបញ្ជាក់ថា“សូមអរគុណថ្នាក់ដឹកនាំ ព្រមទាំងប្រជាពលរដ្ឋខ្មែរដែលបានគាំទ្រសិល្បៈវប្បធម៌ អរិយធម៌ ដ៏សម្បូរបែបដែលដូនតាខ្មែរយើងបានបន្សល់ទុកជាកេរ្តិ៍មរតកសម្រាប់កូនចៅជំនាន់ក្រោយ នាងខ្ញុំពិតជាសំណាងដែលបានកើតជាកូនខ្មែរ និងចូលរួមកិច្ចការពារថែរក្សាសម្បត្តិបេតិកភណ្ឌជាតិ”។

ដោយឡែកគេចាំបានថា នាថការី សុខគា គឹមលាង កន្លងមកធ្លាប់បានលើកឡើងតាមរយៈបណ្ដាញសង្គមហ្វេសប៊ុកភ្ជាប់ពាក្យស្លោកមួយឃ្លាថា «វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើនថ្កាន»។ គឹមលាង បន្តថា ព្រោះថាក្នុងនាមនាងខ្ញុំជាពលរដ្ឋខ្មែរម្នាក់កើតមកជាតិនេះសូមថ្វាយនូវការផ្សព្វផ្សាយនូវ វប្បធម៌អរិយធម៌ទាំងអស់ដែលជាកេរ្តិ៍មរតករបស់ដូនតាបានបន្សល់ពីសម័យបុរេប្រវត្តិមកម្លេះ។