Connect with us

ជីវិតកម្សាន្ដ

ឯម រៀម ស្នើមហាជន គាំទ្រ និងចូលរួមលើកស្ទួយថែរក្សាមរតកក្រមាខ្មែរ

បានផុស

នៅ

អ្នកច្នៃម៉ូដល្បីឈ្មោះ លោក ឯម រៀម បានចេញមកអំពាវ និងបំផុសដល់មហាជនអ្នកគាំទ្រគ្រប់មជ្ឈដ្ឋានចូលរួមលើកស្ទួយក្រមារបស់ខ្មែរដើម្បីបានដាក់បញ្ចូលក្នុងបញ្ជីបេតិកភណ្ឌជាតិវប្បធម៌អរូបី (UNESCO)ឱ្យបានកាន់តែឆាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឯម រៀម បានបង្ហោះរូបភាពអមជាមួយខ្លឹមសារថា «ផ្ញើជូនអង្គការ UNESCO ក្រមា ឯម រៀម គឺបែបហ្នឹង ដោយសារប្រើប្រាស់ក្រមាខ្មែររាល់ថ្ងៃ សូមបងប្អូនជួយ Comment ខាងក្រោមជារូបភាពដែលបងប្អូនបានប្រើប្រាស់ក្រមាខ្មែរដើម្បីឱ្យក្រមាខ្មែរបានដាក់បញ្ចូលក្នុងបញ្ជីបេតិកភណ្ឌជាតិវប្បធម៌អរូបី (UNESCO) ឱ្យបានកាន់តែឆាប់»។

លោក ឯម រៀម បានលើកឡើងថា «ខ្ញុំ ឯម រៀម ជាសិល្បករ និងជាគ្រូបង្រៀនផ្នែកសិល្បៈខ្មែរនៅសាលា PPUA មានសេចក្តីរីករាយក្នុងការស្នើសុំដាក់ក្រមាខ្មែរបញ្ចូលក្នុងបញ្ជីបេតិកភណ្ឌជាតិវប្បធម៌អរូបី នៃអង្គ ការយូណេស្កូ ក្នុងនាមខ្ញុំជាអ្នកប្រើប្រាស់ក្រមារាល់ថ្ងៃសូមឱ្យការដាក់បញ្ជូលក្រមាខ្មែរនេះនឹងធ្វើឱ្យក្រមាខ្មែរកាន់តែថ្កុំថ្កើន»។

អ្នកច្នៃម៉ូដ ឯម រៀម បន្តទៀតថា លោកក៏សូមអំពាវនាវឱ្យអ្នកប្រើប្រាស់ក្រមាខ្មែរកាន់តែច្រើនជាងមុន និងចូលរួមថែរក្សាមរតកក្រមាខ្មែរឱ្យបានគង់វង្ស សម្រាប់ប្អូនៗ ជំនាន់ក្រោយៗ ទៀត។ យ៉ាងណាមិញក៏មានការលើកឡើងដែរថា «ម៉ែរៀម ក្រែងថ្ងៃទិវាវប្បធម៌នៅកោះពេជ្រ ក្រសួងបានដាក់បញ្ចាំងឯកសារស្រាវជ្រាវពីការប្រើប្រាស់ក្រមាក្នុងកម្មវិធី ដោយមានលោកគ្រូ ម៉ារ៉ា ក្នុងវីដេអូនោះដែរ។ ការបង្ហាញនាពេលនោះ ក្រសួង ចង់បង្ហាញថា ក្រសួង បានត្រៀមលក្ខណៈគ្រប់គ្រាន់ ដើម្បីដាក់ស្នើក្រមាខ្មែរចូលជាបេតិកភណ្ឌពិភពលោកហើយ»។

គួររម្លឹកថា ក្រសួងវប្បធម៌ និងវិចិត្រសិល្បៈ កំពុងរៀបចំឯកសារដើម្បីដាក់បញ្ចូល «ក្រមា» ដាក់ចូលជាបញ្ជីបេតិកភណ្ឌពិភពលោករបស់អង្គការយូណេស្កូ។ នេះបើតាមការអះអាងរបស់លោក គង់ ពុទ្ធិកា អគ្គនាយកអាជ្ញាធរជាតិព្រះវិហារ នៅក្នុងសន្និសីទសារព័ត៌មានកាលពី ល្ងាចថ្ងៃទី១៩ ខែកញ្ញា ឆ្នាំ២០២៣ ស្ដីពីភាពជោគជ័យនៃការដាក់បញ្ជូលប្រាសាទកោះកេរ ក្នុងបញ្ជីសម្បត្តិបេតិកភណ្ឌពិភពលោក កាលពីពេលកន្លងទៅ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ១ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម