ជីវិតកម្សាន្ដ
អស់ទ្រព្យពីខ្លួន! អ៊ីណូ ថា មានអ្នកចង់បិទផ្លូវ
កាលពីថ្មីៗ កន្លងទៅនេះ ដូចមហាជនអ្នកគាំទ្របានដឹងហើយជុំវិញដំណឹងដ៏ភ្ញាក់ផ្អើលក្រោយតារាចម្រៀងមាឌធំថ្គាមខ្លា លោក អ៊ីណូ បានប្រកាសរឿងជំពាក់បំណុលជាង ១០ម៉ឺនដុល្លារ ពីកម្ចី Online របស់ចិន រួមទាំងធនាគារ និងឯកជន ជាដើម។
ម្ចាស់បទ ” អូនកុំ យំកុំយំ ” លោក សាន ពេជ្រសុភារិទ្ធ ហៅ អ៊ីណូ គិតមកទល់ពេលនេះ លោកបានចាប់អាជីពសិល្បៈ សាងភាពល្បីល្បាញមានរយៈពេលប្រមាណ ២០ឆ្នាំមកហើយ ប៉ុន្តែអ្វីដែលគេកត់សម្គាល់ឃើញពេលនេះ គឺលោកត្រូវផុងខ្លួនក្នុងបំណុងអស់ទ្រព្យពីខ្លួន និងថែមទាំងនៅជំពាក់គេជាង ១០ម៉ឺនដុល្លារ ថែមទៀត ខណៈលោកធ្លាប់អះអាងថាមកពីការរកស៊ីខាតទើបធ្លាក់ខ្លួនបែបនេះ។
យ៉ាងណារឿងដែលគេចាប់អារម្មណ៍ថែមទៀត ស្រាប់តែមកដល់ពេលតារាចម្រៀង លោក អ៊ីណូ ទម្លាយថាក្រោយពេលលោកធ្លាក់ខ្លួន គឺរងនូវពាក្យគេមើលងាយនិយាយដើម និងក៏មានអ្នកចង់បិទផ្លូវថែមទៀត។ ចំណុចនេះ លោក អ៊ីណូ ក៏បានស្នើកុំឱ្យបិទផ្លូវសិល្បៈលោក ដើម្បីមានឱកាសរកលុយដោះបំណុលគេ។
លោក អ៊ីណូ បាននិយាយថា “ឈឺចិត្តផងពិបាកផងអស់រលីងពីខ្លួនផង ក៏ត្រូវគេលួចនិយាយដើមមើលងាយទៀត ហេតុអ្វី? ចង់បិទផ្លូវ ខ្ញុំធ្វើអី្វកាលពីមុនខ្ញុំដើរធ្វើបុណ្យជួយគេច្រើនណាស់ ឬនេះមែនបុណ្យដែលខ្ញុំបានទទួល ចង់តែ….”។ ជាមួយគ្នានេះ ក៏មានការផ្តល់កម្លាំងចិត្តពីមហាជនអ្នកគាំទ្រមួយចំនួន ផងដែរ។
ជាការពិតណាស់ ដំណឹងនៃការផុងខ្លួនក្នុងបំណុលជាង ១០ម៉ឺនដុល្លារ ពីសំណាក់តារាចម្រៀងសាន់ដេលោក អ៊ីណូ កន្លងមកបានធ្វើឱ្យមហាជន និងមិត្តភក្តិចង្កោមអ្នកសិល្បៈដូចគ្នាមានការភ្ញាក់ផ្អើល និងចាប់អារម្មណ៍ខ្លាំងរហូតមានខ្លះក៏បានជួយជាថវិការ និងខ្លះទៀតបង្ហាញការលើកទឹកចិត្ត ផងដែរ៕
អត្ថបទ ៖ ចាន់រ៉ា
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក