ប្រធានសមាគមសិល្បករខ្មែរ ៖ សិល្បករខ្មែរយើង គឺជា អ្នករ៉ាយរ៉ាប់នូវរឿងរ៉ាវផ្សេងៗរបស់ជាតិសាសន៍យើង

ប្រធានសមាគមសិល្បករខ្មែរ លោកជំទាវអ្នកឧកញ៉ា ម៉ៅ ចំណាន គិតម៉េង បានលើកឡើងថា សិល្បករខ្មែរយើងគឺជាអ្នករ៉ាយរ៉ាប់នូវរឿងរ៉ាវផ្សេងៗរបស់ជាតិសាសន៍យើង។

ជាមួយគ្នានេះដែរ លោកជំទាវប្រធានសមាគមសិល្បករខ្មែរក៏បានគូរបញ្ជាក់ថា នៅក្នុងឆ្នាំ២០២៥ លោកជំទាវ ចង់ឱ្យសមាគមសិល្បករខ្មែរក្លាយជាកន្លែងគាំទ្រ និងជំរុញទឹកចិត្តដែលជំរុញភាពច្នៃប្រតិដ្ឋឱ្យរីកចម្រើន មរតកវប្បធម៌ត្រូវការលើកតម្កើង ហើយមតិយោបល់ត្រូវបានយកចិត្តទុកដាក់។

ប្រធានសមាគមសិល្បករខ្មែររូបនេះ បន្តទៀតថា “យើងនឹងបង្កើតប្រវត្តិសាស្ត្រថ្មីៗជាមួយគ្នា ហើយដួងព្រលឹងជាតិខ្មែរនឹងរស់រាននៅក្នុងសិល្ប: ដែលប្រជាជាតិយើងបានបង្កើតឡើង។ ខណៈយើងកំពុងសម្លឹងឆ្ពោះទៅមុខ បេសកកម្មរបស់សមាគមសិល្បករខ្មែរ គឺលើកកម្ពស់សិល្បករ សាទរចំពោះសមត្ថភាពទេពកោសល្យ និងថែរក្សាការពារវប្បធម៌ដ៏រុងរឿងដែលមានពួកគាត់ជាតំណាង។

បន្ថែមពីនេះ លោកជំទាវអ្នកឧកញ៉ា ម៉ៅ ចំណាន បានឲ្យដឹងដែរថា “នាងខ្ញុំពិតជាមានកិត្តិយសបំផុតដែលបានចូលរួមចំណែកក្នុងដំណើរបេសកកម្មមួយនេះ”៕ អត្ថបទ៖ ចាន់រ៉ា