ជីវិតកម្សាន្ដ

កម្មវិធី «ស្នាមញញឹមនៃកម្ពុជា» នៅមុខអង្គរវត្ត រៀបចំ យ៉ាងកក្រើកពីសិល្បៈចម្រុះ និងពិព័រណ៍ម្ហូបអាហារខ្មែរ

បានផុស

២ years មុន

នៅ

ថ្ងៃព្រហស្បតិ៍ ១៥ សីហា ២០២៤

ដោយ

នៅព្រឹកថ្ងៃទី១៥ ខែសីហា នេះ ប្រធានសមាគមសិល្បករខ្មែរលោកជំទាវអ្នកឧកញ៉ា ម៉ៅ ចំណាន បាននឹងកំពុងដឹកនាំក្រុមការងារសមាគមរួមនឹងក្រុមសិល្បករ-សិល្បការិនី ល្បីៗរៀបចំកម្មវិធី «ស្នាមញញឹមនៃកម្ពុជា» នៅមុខប្រាសាទអង្គរវត្ត។

កម្មវិធី«ស្នាមញញឹមនៃកម្ពុជា» នៅមុខប្រាសាទអង្គរវត្តនៅព្រឹកថ្ងៃនេះ គឺមានការបង្ហាញពិព័រណ៍ម្ហូបអាហារ នំចំណី ផ្លែឈើ និងភេសជ្ជៈព្រមទាំងការសម្តែងផ្ទាំងទស្សនីយភាពសិល្បៈចម្រុះធ្វើឲ្យកក្រើកខេត្តសៀមរាប។ ម្យ៉ាងទៀត ក៏មានការអត្ថាធិប្បាយពីពិធីករ ពិធីការិនី ល្បីៗដើម្បីជាកិច្ចស្វាគមន៍ និងផ្តល់ភាពសប្បាយរីករាយជូនភ្ញៀវទេសចរជាតិ និងអន្តរជាតិ។

បើតាមប្រធានសមាគមបានបញ្ជាក់ឲ្យដឹងថា ពួកយើងរួមគ្នាគិត រួមគ្នាធ្វើ ក្នុងគោលបំណងរួមមួយ គឺ ជំរុញ និងលើកតម្កើងសក្ដានុពលទេសចរណ៍នៅកម្ពុជា ទៅកាន់ភ្ញៀវទេសចរជាតិ និងអន្តរជាតិ ស្របទៅតាមគោលនយោបាយអាទិភាពរបស់រាជរដ្ឋាភិបាលកម្ពុជាដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីដ៏ឆ្នើម។

បន្ថែមពីនេះ លោកជំទាវអ្នកឧកញ៉ា ម៉ៅ ចំណាន ក៏បានឲ្យទៀតថា«ស្នាមញញឹមនៃកម្ពុជា» គឺជាព្រឹត្តិការណ៍ដែលសិល្បករ សិល្បការិនី បុគ្គលដែលមានឈ្មោះល្បីនៅលើបណ្តាញសង្គម និងអ្នកជំនាញបង្កើតមាតិកាល្អៗមកជួបជុំគ្នានៅលើដែនដីអង្គរតែមួយ ក្នុងបំណងរួមគ្នាផលិតមាតិកាវីដេអូខ្លីៗស្តីពីសុជីវធម៌ វប្បធម៌ ប្រពៃណី ទំនៀមទម្លាប់ ប្រាង្គប្រាសាទ និងតំបន់ទេសសចរណ៍ល្បីៗក្នុងតំបន់អង្គរ៕

អត្ថបទ៖ ចាន់រ៉ា