ជីវិតកម្សាន្ដ

រងការរិះគន់មុខចាស់! ណុប បាយ៉ារិទ្ធ ឆ្លើយតបយ៉ាងចាស់ដៃ

បានផុស

១១ ខែ មុន

នៅ

ថ្ងៃពុធ ១៥ ឧសភា ២០២៤

ដោយ

តារាចម្រៀងចាស់វស្សារបស់ផលិតកម្មហង្សមាសលោក ណុប បាយ៉ារិទ្ធ បានប្រតិកម្មឆ្លើយតបភ្លាមៗបន្ទាប់ពីមានការរិះគន់ពីសំណាក់បុគ្គលមួយចំនួនថា លោកមានមុខចាស់ខ្លាំង ដែលការរិះនេះគឺក្រោយពេលលោកបានបង្ហោះរូបភាពនៅលើបណ្តាញសង្គមហ្វេសប៊ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបការរិះគន់នោះតារាចម្រៀងកូនកាត់ចិនលោ ក ណុប បាយ៉ារិទ្ធ បានបញ្ជាក់ដូច្នេះថា «អរគុណប្អូន បងមិនក្មេងដូច ១៨ទេអូន បងអាយុ ៤៣ហើយតែក៏មិនមែនកញ្ចាស់មើលមិនយល់ដូចពួកមនុស្សដែលបានតែមាត់អស់ហ្នឹងនិយាយដែរដៀលឯងសុទ្ធតែនៅក្រៅកញ្ចាស់ មុខហើមដល់ណាត់មកជួបផ្ទាល់ថតរូបជាមួយគ្នាឲ្យដឹងថាអ្នកកើតឆ្នាំ១៩៨១ និងកើតឆ្នាំ១៩៩៤ មួយណាគ្រាន់មើលជាង?»

លោក ណុប បាយ៉ារិទ្ធ បន្តទៀតថា «ពេលដឹងស្រាប់តែលុបខមមិនរត់បាត់ អស់ឱមនុស្សម្តេចបានខំម្លេសអារឿងbully គេបើខំជាមួយជីវិតខ្លួនឯងបានតែប៉ុណ្ណឹងតើល្អយ៉ាងណាទៅ?»។ លោកបន្តថា «ពួកអ្នកពូកែដៀល ពូកែមើលងាយសើចយំខ្ញុំ សុទ្ធតែមុនចាស់មុខ អី្វហ្នឹងគ្រាន់បើលុបខមមិនចោលធ្វើអី្វ សារីអ្នកកើតឆ្នាំ៩០ជាង? ដល់តែហៅមកជួបផ្ទាល់ថតរូបជាមួយគ្នាឲ្យដឹងថាកើតសារី៨០ និងកើតសារី ៩០ជាងមួយណាចាស់ជាង»។

តារាចម្រៀងរូបនេះនិយាយទៀតថា «ដៀលខ្ញុំបានណាស់ដល់តែហៅមកជួបថតជាមួយគ្នាផ្ទាល់ៗ ម្តេចខ្លាច ម្តេចបានលុបខមមិនចោល? គិតទៅម្នាក់ៗកំសាកញីមាត់ដូចត្រីកំភ្លាញ bullyគេឆ្ងាញ់ណាស់ ដល់ហៅមកជួបអត់ហ៊ាន ខ្មាស់ខ្លួនឯងអត់សួរដូចឆោត»?

បន្ថែមពីលើនេះលោក ណុប បាយ៉ារិទ្ធ លើកឡើងដែរថា «ឃើញអត់ពួកមនុស្សដែលមាត់ត្រីកំភ្លាញអស់ហ្នឹង ប្រុសទេតែមាត់ប៉ាភ្លូចជាងស្រីទៀត។ បើគ្រាន់បើនាំគ្នាលុបខមមិនចោលធ្វើអី្វ រឿងមិនមកជួបផ្ទាល់មក មកថតជាមួយអាមុខចាស់កើតឆ្នាំ៨១ ផ្ទាល់ៗមើល ចង់ដឹងដូចគ្នាថាអាក្មេងសម្តីឈ្លើយកើតឆ្នាំ៩៤ ហ្នឹងវាក្មេងប៉ុណ្ណាទៅចុងក្រោយប្រាសអាយុសបាត់អស់ ថាគ្រាន់បើលុបខមមិនរត់ធ្វើអី្វ ឬខ្លាចស្រាវជ្រាវទៅដឹង មុខថាធាតុពិតម្ចាស់អាខោនfakeជាអ្នកណា? ដឹងច្បាស់ជាអ្នកណាក្រែង ខ្មាសគេតាមពិតគ្រាន់តែសរសេរមកគេដឹងហើយថាមកពីខាងណាលាក់អត់ជិត»៕

អត្ថបទ៖ ចាន់រ៉ា