ជីវិតកម្សាន្ដ

គ្រួសារតារាភាពយន្ត យស បូវណ្ណៈ ប្តេជ្ញាខំប្រឹងថែរក្សាប្រពៃណីវប្បធម៌ជាតិខ្មែរបង្ហាញដល់អន្តរជាតិ

បានផុស

២ years មុន

នៅ

ថ្ងៃចន្ទ ២០ ឧសភា ២០២៤

ដោយ

តារាភាពយន្តដ៏ល្បីឈ្មោះនាទសវត្ស ឆ្នាំ៩០លោក យស បូវណ្ណៈ និងក្រុមគ្រួសារដែលបច្ចុប្បន្នកំពុងរស់នៅឯសហរដ្ឋអាមេរិកដោយមានសេចក្តីសុខនោះជារឿយៗគេតែងឃើញលោកបង្ហាញសកម្មភាពយ៉ាងផុលផុសក្នុងការចូលរួមផ្សព្វផ្សាយលើកតម្កើន ពីតម្លៃសិល្បៈវប្បធម៌ខ្មែរទៅកាន់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរមុននេះលោក យស បូវណ្ណៈ និងក្រុមគ្រួសារក៏បានលេចវត្តមានជាថ្មីតាមរយៈ ការសម្តែងដោយបង្ហាញពីសិល្បៈ វប្បធម៌ខ្មែរនៅលើទឹកដីប្រទេសអាមេរិក។ ជាក់ស្តែងភរិយាលោក យស បូវណ្ណៈ ដែលមានគណនីហ្វេសប៊ុកឈ្មោះថា Sithary Ly បានលើឡើងថា «សូមបងប្អូនសង្វាតស្រលាញ់ពូជខ្មែរ និងឈាមខ្មែរ ”របាំគោះត្រឡោក និងក្រងោក “»។

ភរិយាលោក យស បូវណ្ណ: អ្នកស្រី Sitha ry Ly បានបញ្ជាក់បន្ថែមទៀតថា“គ្រួសារតារាភាពយន្តឯកឧត្ដម យស បូវណ្ណ: និង កូនៗខិតខំប្រឹងប្រែងថែរក្សាប្រពៃណី វប្បធម៌ជាតិខ្មែរយើង និងបង្ហាញទៅដល់អន្តរជាតិអំពីព្រះរាជាណាចក្រកម្ពុជា“។

គួរបញ្ជាក់ថាលោក យស បូវណ្ណៈ ត្រូវបានទស្សនិកជន និងអ្នកគាំទ្រជាច្រើនបានស្គាល់ថាលោកគឺជាតារាភាពយន្តរបស់ខ្មែរជើងចាស់ដែលមានភាពល្បីល្បាញតាមរយៈការសម្ដែងខ្សែភាពយន្តខ្មែរមួយចំនួនក្នុងជំនាន់តារារួមជំនាន់ដូចជា អ្នកនាង ច័ន្ទ តារាទី ,អ្នកនាង អម្ពរ ទេវី និងលោក ទេព រិនដារ៉ូ ជាដើម។

លោក យស បូវណ្ណៈ ត្រូវបានគេដឹងថា កន្លងមកលោកជាបុគ្គលល្បីឈ្មោះដែលលេចធ្លោតាមរយៈការចូលរួមផ្សព្វផ្សាយសិល្បៈវប្បធម៌ជាតិខ្មែរនៅឯក្រៅប្រទេស ខណៈលោកក៏ធ្លាប់បញ្ជាក់ដែរថាដើម្បីផ្សព្វផ្សាយសិល្បៈវប្បធម៌ជាតិខ្មែរយើងទោះជាហត់នឿយពីការងារស្នូលយ៉ាងណាក៏ដោយក៏ក្រុមគ្រួសារលោកស៊ូខំប្រឹងបង្ហាញឲ្យបរទេសបានស្គាល់អំពីអត្តសញ្ញាណសិល្បៈវប្បធម៌ខ្មែរដ៏សម្បូរបែបរបស់ខ្មែរយើងផងដែរ៕

អត្ថបទ៖ ចាន់រ៉ា