Connect with us

ជីវិតកម្សាន្ដ

សមាគមសិល្បករខ្មែរ បើកកិច្ចប្រជុំពីការចុះឈ្មោះសិល្បកររួមគ្នាលើកស្ទួយវិស័យសិល្បៈវប្បធម៌ជាតិ

បានផុស

នៅ

បន្ទាប់​ពី​ដំណើរ​ការ​​អាណត្តិ​ថ្មី​បាន​រយៈពេល ប្រមាណ ១ខែ និង​ជោគជ័យ​លើ​កិច្ច​ការងារ​មួយ​ចំនួន​ក្រោម​ការ​ដឹកនាំ​របស់​លោក​ជំទាវ​អ្នក​ឧកញ៉ា ម៉ៅ ចំណាន ជា​ប្រធាន​នោះ ពេល​នេះ​សមាគមសិល្បករខ្មែរ​បាន​បើក​កិច្ច​ប្រជុំ​ស្តីពី​ការ​ចុះឈ្មោះ​សិល្បករ​ដែល​មាន​បំណង​ចង់​ចូល​ជា​សមាជិក​របស់​​សមាគម​នឹង​ចាប់ផ្ដើមឆាប់​ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំ​​គណៈកម្មការ​ប្រតិបត្តិ​របស់​​សមាគម​​សិល្បករ​ខ្មែរ​គឺ​ដឹកនាំ​ដោយ​លោក ទិត្យ ថាវរិទ្ធ ប្រធាន​ក្រុម​ប្រឹក្សា​ភិបាល​កាល​ពីល្ងាច​ថ្ងៃទី០៣ ខែមិថុនា ឆ្នាំ២០២៤ បានប្រព្រឹត្ត​ទៅ​ដោយ​ពិភាក្សា​លើ​ការងារ​​សំខាន់ៗ​ដែលត្រូវអនុវត្តបន្ត​ដើម្បី​ធានា​សម្រេច​បាន​តាមផែនការ​យុទ្ធសាស្ត្រ​របស់​​ខ្លួនស្រប​តាម​ការ​​ប្ដេជ្ញាចិត្ត​របស់​លោក​ជំទាវអ្នកឧកញ៉ា​ប្រធាន​​សមាគម​​ជា​ពិសេស​ការចង្អុរបង្ហាញ​របស់​ថ្នាក់​ដឹក​​នាំ​ជាតិ។

គណៈ​កម្មការ​ប្រតិបត្តិ​ក៏​បាន​ពិភាក្សា​លើ​ការ​រៀប​ចំ​ដំណើរការ​ទូទៅ​នៃ​​លេខាធិការដ្ឋាន និង​ការ​បែង​ចែក​តួនាទី​ភារកិច្ច​ព្រម​ទាំង​ការ​ទទួល​ខុសត្រូវ​របស់​ក្រុម​​ការងារ​ក៏ដូចជា​ការ​​កែសម្រួល​ប្រព័ន្ធ​រដ្ឋបាល​ដើម្បី​ពន្លឿន និង​ពង្រឹង​ប្រសិទ្ធភាព​ការងារ។ 

នា​ឱកាស​នោះ​ដែរ លោក ទិត ថាវរិទ្ធ ប្រធានអង្គប្រជុំបានលើក​ឡើង​ពីវឌ្ឍនភាព​នៃ​ការងារ​ថ្មីៗ​ដែល​សម្រេច​បាន​បន្ទាប់ពីដំណើរ​ការអាណត្តិថ្មីបានរយពេល ១ខែមកនេះ ជាពិសេសភាពជោគជ័យនៃការរៀបចំកម្មវិធី “អ្នក​ស្នង​មរតក” ដែលនាំ​មកនូវ​ស្នាម​ញញឹម និង​ក្ដីសង្ឃឹមដល់ព្រឹទ្ធាចារ្យ​សិល្បករ​រៀម​ច្បង និងសិល្បករ-សិល្បការិនី ទូទៅ ដែល​បង្ហាញពី​ការរួមសាមគ្គី​ជា​ធ្លុងមួយ​ក្នុងចង្កោម​សិល្បករ។ ជាពិសេស​ការ​គាំទ្រ និង​ជ្រោមជ្រែង​ពីថ្នាក់ដឹក​នាំជាតិរួមទាំងសប្បុរសជនពីវិស័យឯកជនផងដែរ។ 

ការងារ​ចំពោះ​មុខរបស់​សមាគមសិល្បករខ្មែរនាពេល​នេះគឺ ការរៀបចំបង្កើតគណៈ​កម្មការ ដើម្បី​ចុះ​ឈ្មោះ​សិល្បករ​គ្រប់ទម្រង់ ដែល​មាន​បំណង​ចង់​ចូល​ជា​សមាជិក​របស់​សមាគម​ដើម្បីអាចរួមគ្នាធ្វើការកិច្ចកាលើកស្ទួយ​វិស័យសិល្បៈ​វប្បធម៌ជាតិ​ហើយ​សមាគម​ក៏​​អាចជួយពួកគាត់វិញនៅពេលមានតម្រូវកាណាមួយដោយ​ឈរលើ​គោលការណ៍គោរព​តាមច្បាប់​រដ្ឋ​ជាធរមាន និង​លក្ខន្តិកៈ​របស់​សមាគមសិល្បករខ្មែរ។ 

បន្ថែម​ពី​នេះ លោក ទិត ថាវរិទ្ធ ក៏បាន​ស្នើ​ដល់​ថ្នាក់ដឹកនាំ​​គ្រប់ផ្នែកទាំង​អស់នៅតែ​បន្តការ​យកចិត្តទុកដាក់​ពង្រឹងប្រសិទ្ធភាព​ការងារ​ដើម្បី​ឆ្លើយតប​តម្រូវ​ការ​របស់​សមាជិក​សមាគម​ផង និង​ដើម្បី​អាច​មាន​លទ្ធភាព​អនុវត្តផែនការ​ថ្មីៗ​បន្តបន្ទាប់ទៀត ព្រោះនៅមានកិច្ចការជាច្រើនដែលត្រូវធ្វើនៅក្នុងដំណាក់កាលនៃការចាប់ផ្ដើមនេះ៕

អត្ថបទ​​៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៦ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១០ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៨ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១២ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម