សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន

សមាគមសិល្បករខ្មែរ បានសហការជាមួយអាជ្ញាធរជាតិប្រយុទ្ធប្រឆាំគ្រឿងញៀន រៀបចំកម្មវិធីបណ្តុះបណ្តាលខ្លីមួយ ជូនដល់សិល្បករសិល្បការិនី នៅក្នុងសមាគមពាក់ព័ន្ធពីបញ្ហាគ្រឿងញៀន។

កម្មវិធីនេះបានរៀបឡើង នាព្រឹកថ្ងៃទី២៣ ខែកញ្ញាឆ្នាំ ២០២៤ នៅទីស្តីការសមាគមសិល្បករខ្មែរក្រោមវត្តមានរបស់លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ និងតំណាងមកពីអា ជ្ញាធរជាតិប្រយុទ្ធប្រឆាំងគ្រឿងញៀនគឺឧត្តមសេនីយ៍ ឯក លឹម តុងហួត ប្រធាននាយកដ្ឋានផ្សព្វផ្សាយអប់រំ និងទំនាក់ទំនងសាធារណៈ ឧត្តមសេនីយ៍ត្រី យិន យឿត និង ឧត្តមសេនីយ៍ត្រី ឈិន ភូមា ។

កម្មវិធីបណ្តុះបណ្តាលខ្លីនេះរៀបចំធ្វើឡើង ក្នុងគោលបំណង ដើម្បីជំរុញការយល់ដឹងបន្ថែមដល់សិល្បករសិល្បការិនីជុំវិញឥទ្ធិពលដ៏អាក្រក់និង គ្រោះថ្នាក់នៃការប្រើប្រាស់គ្រឿងញៀនការរួមគ្នាដោះស្រាយ និងព្យាបាលអ្នកញៀនគ្រឿងញៀននៅកម្ពុជា។

គួរបញ្ជាក់ថា អាជ្ញាធរជាតិប្រយុទ្ធប្រឆាំគ្រឿងញៀន និងសមាគមសិល្បករខ្មែរ នឹងមានរៀបចំកម្មវិធីបណ្តុះបណ្តាលធំៗបន្ថែមទៀតនាពេលខាងមុខ ដើម្បីជំរុញឱ្យសិល្បករ-សិល្បការិនីមានការយល់ដឹងឱ្យកាន់តែស៊ីជម្រៅធានាដល់ការផ្សព្វផ្សាយឱ្យកាន់តែមានប្រសិទ្ធភាពខ្ពស់៕

អត្ថបទ៖ ចាន់រ៉ា