ជីវិតកម្សាន្ដ

ម្ចាស់បទ ចាបយំល្វើយៗ ,លោក ចាន់ មករា បកស្រាយការយល់ច្រឡំឆ្លងកូវីដ-១៩

បានផុស

៥ years មុន

នៅ

ថ្ងៃអង្គារ ១៦ មីនា ២០២១

ដោយ

លោក ចាន់ មករា ម្ចាស់បទ ចាបយំល្វើយៗ និងបទព្រះឥន្ទ្រទាត់សី បន្ទាប់ពីមានការចុះផ្សាយព័ត៌មានមួយចំនួនទាក់ទងនឹងឈ្មោះរបស់លោក ដែលជាការយល់ច្រឡំគ្នាជាមួយអតីតអ្នកដឹកនាំសម្តែងនិងជាអតីតគូស្នេហ៍កញ្ញាដេននីក្វាន់ ដែលមានឈ្មោះ ចាន់ មករា ផងដែរ ពេលនេះលោកបានចេញមុខបកស្រាយការពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បង្ហោះភ្ជាប់ជាមួយការLive វីដេអូនៅថ្ងៃទី១៦ ខែមីនា ឆ្នាំ២០២១នេះ ម្ចាស់បទចាបយំល្វើយៗ លោក ចាន់ មករា បានលើកឡើងថា រូបលោកមិនកើតអីនោះទេ ហើយសូមបងប្អូនជួយចែករំលែកបន្តផង (ស៊ែរ)។

តារាចម្រៀងលោក ចាន់ មករា បានបញ្ជាក់ថា ដោយសារតែប៉ុន្មានថ្ងៃមុននេះ គឺមានបងប្រុសម្នាក់ឈ្មោះចាន់ មករា ដែលជាអតីតអ្នកដឹកនាំសម្តែងនិងគូស្នេហ៍កញ្ញា ដេននី ក្វាន់ បានតេស្តរកឃើញវិជ្ជមានជំងឺកូវីដ-១៩។ ហេតុនេះទើបមានបងប្អូនយល់ច្រឡំថា រូបលោក ព្រោះមានឈ្មោះដូចគ្នា។

លោកបន្ថែមថា បន្ទាប់ពីមានព័ត៌មាននេះ គឺមានបងប្អូននិងមិត្តភ័ក្ដិជាច្រើនបានទូរស័ព្ទមកសួរនាំខ្លួនអំពីរឿងរ៉ាវនេះ។ ដូច្នេះហើយទើបលោកបានធ្វើការចេញវីដេអូនេះដើម្បីបញ្ជាក់ថាខ្លួនពុំមានឆ្លងឬកើត ជំងឺកូវីដ-១៩នោះទេដោយសាររយៈពេលជាង១០ថ្ងៃមកនេះគឺនៅតែក្នុងផ្ទះ៕

អត្ថបទ ៖ ចាន់រ៉ា