ប៉ូគីមថេង សុធីតា ថា ដំណើរថ្មើរជើងភ្នំពេញ-សៀមរាប របស់ កុយ អេនណា បំផុសឆន្ទៈខ្លួនឱ្យធ្វើតាម

បវរកញ្ញា ប៉ូគីមថេង សុធីតា បានប្រកាសឆន្ទ:របស់ខ្លួនថា ក្នុងពេលឆាប់ៗខាងមុខនាងនឹងរៀបចំការធ្វើដំណើរថ្មើជើងដូចគ្នាកញ្ញាកុយ អេនណា ដើម្បីផ្សាភ្ជាប់ជាមួយការផ្សព្វផ្សាយនូវតំបន់ទេសចរណ៍ ពិសេសគឺការរៃអង្គាសថវិកាជួយកុមារនិងជនពិការ​ផងដែរ។

ការប្រកាសរបស់បវរកញ្ញា ប៉ូគីមថេង សុធីតា គឺបន្ទាប់ពីឃើញសកម្មភាពរបស់កញ្ញា កុយ អេនណា ដែលបាននិងកំពុងធ្វើដំណើរដោយថ្មេីរជេីងពីរាជធានីភ្នំពេញទៅកាន់ខេត្តសៀមរាប ​ក្នុងគោលបំណងដេីម្បីរៃអង្គាសថវិកាជួយកុមារ​ និង ជនពិការ​ក្នុងមណ្ឌលខ្វះខាតនៅកម្ពជា។ ម្យ៉ាងទៀត នាងក៏ភ្ជាប់នឹងការផ្សព្វផ្សាយនូវតំបន់ទេសចរណ៍នៅក្នុងប្រទេសកម្ពុជាពីខេត្តមួយទៅកាន់ខេត្តមួយ។

កញ្ញា ប៉ូគីមថេង សុធីតា បានបញ្ជាក់ឱ្យដឹងថា “អត់លេងសើចទេ ស្រលាញ់ខ្លាំងតែម្តង អរគុណសម្រាប់ការតស៊ូលះបង់ Our Queen ខ្ញុំហ៊ាននិយាយថា អេនណា បំផុសគំនិតខ្ញុំ កាន់តែខ្លាំងបំផុសតាំងពីភាពក្លាហាន សន្យាពេលដែលសុខភាពខ្ញុំល្អប្រសើរខ្ញុំនឹងធ្វើដូចគាត់ (កុយ អេនណា” ។

ប៉ូគីមថេង សុធីតា បានបន្តទៀតថាទោះបីមិនបានធ្វើដំណើរដោយថ្មើរជើងដល់ខេត្តឆ្ងាយដូចគាត់ ក៏សុំធ្វើ ដំណើរដោយថ្មើជើងទៅខេត្តណាល្មមៗពាក់ព័ន្ធជាមួ យតំបន់ទេសចរណ៍ដូចគ្នាព្រោះអ្នកដែលពួកគាត់ខ្វះ ខាតគឺពិតជាត្រូវការជំនួយពីពួក យើងខ្លាំងណាស់។ជាមួយគ្នានៃប្រកាសនេះដែរ គេសង្កេតឃើញមានម ហាជនជាច្រើនបានបង្ហាញការគាំទ្រនិងលើកទឹកចិត្តដល់កញ្ញា ប៉ូគីមថេង សុធីតា ក្នុងសកម្មភាពសប្បុរសធម៌ដូចទៅនឹង កុយ អេនណា៕ ចាន់រ៉ា