ព័ត៌មានអន្ដរជាតិ
អ៊ីស្រាអែលទម្លាក់គ្រាប់បែកទម្ងន់សរុប១៥៣តោនលើហ្គាហ្សា បន្ទាប់ពីបទឈប់បាញ់
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានប្រាប់សភាកាលពីថ្ងៃចន្ទទី២០ខែតុលាថា កងកម្លាំងអ៊ីស្រាអែលបានទម្លាក់គ្រាប់បែក១៥៣តោនទៅលើតំបន់ហ្គាហ្សា ដើម្បីឆ្លើយតបទៅនឹងអ្វីដែលលោកបានពិពណ៌នាថាជាការបំពានបទឈប់បាញ់ដោយក្រុមហាម៉ាស។
លោកណេតាន់យ៉ាហ៊ូ បានប្រាប់សភាអ៊ីស្រាអែលថា «ដៃម្ខាងរបស់យើងកាន់អាវុធ ដៃម្ខាងទៀតត្រូវបានលាតចេញដើម្បីសន្តិភាព។ អ្នកបង្កើតសន្តិភាពជាមួយនឹងភាពខ្លាំង មិនមែនភាពទន់ខ្សោយទេ។ សព្វថ្ងៃនេះ អ៊ីស្រាអែលគឺខ្លាំងជាងពេលមុន»។
ការទម្លាក់គ្រាប់បែកនេះ បានកើតឡើងមួយថ្ងៃបន្ទាប់ពីអ៊ីស្រាអែលបាននិយាយថា ខ្លួនបានបើកការវាយប្រហារតាមផ្លូវអាកាសថ្មីមួយ បន្ទាប់ពីការស្លាប់របស់ទាហានអ៊ីស្រាអែលពីរនាក់នៅក្នុងការវាយប្រហារដោយក្រុមសកម្មប្រយុទ្ធហាម៉ាស។ ក្រុមប៉ាឡេស្ទីនបានបដិសេធការជាប់ពាក់ព័ន្ធ ដោយនិយាយថា ខ្លួនមិនបានដឹងអំពីឧបទ្ទវហេតុនេះឡើយ។
ការវាយប្រហារនេះ បានកត់សម្គាល់ពីការទម្លាក់គ្រាប់បែកដ៏ធ្ងន់បំផុតរបស់អ៊ីស្រាអែល ចាប់តាំងពីបទឈប់បាញ់បានចូលជាធរមានកាលពីដើមខែ ក្រោមផែនការសន្តិភាពដែលសម្របសម្រួលដោយសហរដ្ឋអាមេរិក។ អំពើហិង្សាជាថ្មី បានធ្វើឲ្យមានការព្រួយបារម្ភថា បទឈប់បាញ់ដ៏ផុយស្រួយដែលត្រូវបានគេមើលឃើញថាជាមូលដ្ឋានគ្រឹះនៃគំនិតផ្តួចផ្តើមសន្តិភាពមជ្ឈិមបូព៌ារបស់ប្រធានាធិបតីអាមេរិក ដូណាល់ ត្រាំ អាចដួលរលំទៅវិញ ប្រសិនបើអរិភាពនៅតែបន្ត។
បើយោងតាមរបាយការណ៍ដ៏គួរឲ្យភ្ញាក់ផ្អើលពីការិយាល័យព័ត៌មានរដ្ឋាភិបាលហ្គាហ្សា ពលរដ្ឋប៉ាឡេស្ទីនយ៉ាងតិច៩៧នាក់ ត្រូវអ៊ីស្រាអែលសម្លាប់ចាប់តាំងពីបទឈប់បាញ់ចូលជាធរមាននៅថ្ងៃទី១០ខែតុលាមក។ រដ្ឋាភិបាលហ្គាហ្សា បានកត់ត្រាអំពីការរំលោភបទឈប់បាញ់ចំនួន៨០លើក ក្នុងនោះមានរហូតដល់ទៅ២១លើកដែលកើតឡើងត្រឹមមួយថ្ងៃអាទិត្យទី១៩៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត