ណាតូ និងជប៉ុន សម្តែងការព្រួយបារម្ភយ៉ាងខ្លាំង បន្ទាប់ពី ចិន-រុស្ស៊ី សមយុទ្ធលើដែនអាកាសរួមគ្នា

ប្រមុខណាតូលោក Mark Rutte និងរដ្ឋមន្ត្រីការពារជាតិជប៉ុនកាលពីថ្ងៃពុធទី១០ធ្នូ បានចែករំលែក «ការព្រួយបារម្ភយ៉ាងខ្លាំង» របស់ពួកគេរៀងៗខ្លួន អំពីការល្បាតរួមគ្នាថ្មីៗនេះ ដោយយន្តហោះចិន និងរុស្ស៊ី នេះបើយោងតាមការចុះផ្សាយរបស់ទីក្រុងតូក្យូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម CNN បានចុះផ្សាយថា ឧប្បត្តិហេតុនេះបានកើតឡើងកាលពីថ្ងៃអង្គារ ខណៈដែលទំនាក់ទំនងជប៉ុន-ចិន កាន់តែអាក្រក់ទៅៗ បន្ទាប់ពីនាយករដ្ឋមន្ត្រីជប៉ុន Sanae Takaichi បានអត្ថាធិប្បាយអំពីតៃវ៉ាន់ ដែលធ្វើឲ្យទីក្រុងប៉េកាំងខឹងសម្បារយ៉ាងខ្លាំង។

ក្រសួងបាននិយាយថា សេចក្តីថ្លែងការណ៍នេះបានធ្វើឡើងបន្ទាប់ពីសន្និសីទវីដេអូរយៈពេល ១៥ នាទីកាលពីម្សិលមិញ រវាងលោក Rutte និងរដ្ឋមន្ត្រីការពារជាតិ Shinjiro Koizumi ដោយភាគីទាំងពីរបានចែករំលែកការព្រួយបារម្ភយ៉ាងខ្លាំងរបស់ពួកគេលើឧប្បត្តិហេតុនេះ ហើយបានព្រមព្រៀងគ្នាក្នុងការទំនាក់ទំនងយ៉ាងជិតស្និទ្ធ។

សេចក្តីថ្លែងការណ៍បានបន្ថែមថា លោក Koizumi ក៏បានជម្រាបជូនលោក Rutte អំពីឧប្បត្តិហេតុថ្មីៗមួយទៀត ដែលពាក់ព័ន្ធនឹងយន្តហោះចិន ដែលចាក់សោរ៉ាដារបស់ខ្លួនទៅលើយន្តហោះជប៉ុននៅជិតតៃវ៉ាន់។

យោងតាមទីក្រុងតូក្យូ យន្តហោះទម្លាក់គ្រាប់បែកដែលមានសមត្ថភាពនុយក្លេអ៊ែរ Tu-95 របស់រុស្ស៊ីពីរគ្រឿងកាលពីថ្ងៃអង្គារ បានហោះចេញពីសមុទ្រជប៉ុន ដើម្បីជួបជាមួយយន្តហោះទម្លាក់គ្រាប់បែក H-6 របស់ចិនពីរគ្រឿង នៅសមុទ្រចិនខាងកើត បន្ទាប់មកបានធ្វើការហោះហើររួមគ្នាជុំវិញប្រទេស។

ដោយឡែក ទីក្រុងប៉េកាំងបានបញ្ជាក់តបវិញថា ខ្លួនបានរៀបចំសមយុទ្ធជាមួយយោធារុស្ស៊ីស្របតាម ផែនការសហប្រតិបត្តិការប្រចាំឆ្នាំតែប៉ុណ្ណោះ។ ចំណែកឯទីក្រុងមូស្គូ ក៏បានពណ៌នាអំពីសមយុទ្ធនេះថាជាសមយុទ្ធធម្មតាមួយ ដោយថា វាមានរយៈពេល៨ម៉ោង ហើយយន្តហោះចម្បាំងបរទេសមួយចំនួនបានហោះតាមយន្តហោះរុស្ស៊ី និងចិនដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទីក្រុងមូស្គូ ចំអកមន្ត្រីសហភាពអឺរ៉ុប ឲ្យទៅសិក្សាប្រវត្តិសាស្ត្រឡើងវិញ