ព័ត៌មានអន្ដរជាតិ
ចិន សាកល្បងវ៉ាក់សាំងការពារកូវីដ បាញ់ចូលតាមច្រមុះ ដែលមានប្រសិទ្ធភាពខ្លាំងជាងថ្នាំចាក់
នៅសប្តាហ៍ក្រោយ ក្រុមហ៊ុន CanSino Biologics របស់ប្រទេសចិន នឹងចាប់ផ្តើមការសាកល្បងវ៉ាក់សាំងបង្ការជំងឺកូវីដ-១៩ ដែលវ៉ាក់សាំងនេះជាប្រភេទថ្នាំបាញ់ចូលតាមច្រមុះ។ នេះបើតាមការបញ្ជាក់ប្រាប់ CNBC កាលពីថ្ងៃអាទិត្យដោយសហស្ថាបនិក និងជាប្រធាននាយកប្រតិបត្តិរបស់ក្រុមហ៊ុនលោក Xuefeng Yu។
លោក Yu បានប្រាប់ CNBC ថា វ៉ាក់សាំងដែលបាញ់ចូលតាមច្រមុះ អាចមានប្រសិទ្ធភាពខ្លាំងជាងថ្នាំចាក់ព្រោះថា វីរុសកូវីដ-១៩ បានឆ្លងចូលក្នុងខ្លួនមនុស្សតាមរយៈផ្លូវដង្ហើម។
ក្រុមហ៊ុន CanSinoBIO កំពុងអភិវឌ្ឍវ៉ាក់សាំងបាញ់ចូលតាមច្រមុះ រួមគ្នាជាមួយវិទ្យាស្ថានជីវបច្ចេកវិទ្យាទីក្រុងប៉េកាំង។ វ៉ាក់សាំងវ៉ិចទ័រ Adenovirus ប្រភេទ ៥ (Adenovirus Type 5 Vector) ឬ Ad5-nCoV របស់ក្រុមហ៊ុននេះ គឺត្រូវបានអនុញ្ញាតឲ្យប្រើប្រាស់នៅក្នុងប្រទេសចិន និងប្រទេសមួយចំនួនទៀតរួចទៅហើយ។
ថ្លែងទៅកាន់អ្នកឆ្លើយឆ្លងព័ត៌មានរបស់ទូរទស្សន៍ CNBC លោក Arjun Kharpal នៅវេទិកា Boao សម្រាប់អាស៊ីក្នុងខេត្តហៃណាន ប្រទេសចិន, លោក Yu បានពន្យល់ថា តាមទ្រឹស្តី វ៉ាក់សាំងដែលបាញ់ចូលតាមច្រមុះ អាចផ្តល់ការការពារកាន់តែខ្លាំង ដោយសារតែការបញ្ចេញអង់ទីគ័រឬកោសិកា T នៅតាមផ្លូវដង្ហើម។
លោក Yu បានបន្ថែមថា ប្រសិនបើស្រទាប់ការពារនោះបរាជ័យ ហើយមេរោគចូលកាន់តែជ្រៅទៅក្នុងខ្លួន នោះផ្នែកផ្សេងទៀតនៃប្រព័ន្ធភាពស៊ាំ នៅតែអាចប្រឆាំងនឹងវីរុសកូវីដ-១៩បាន។
នាយកប្រតិបត្តិរូបនេះបាននិយាយថា ក្រុមហ៊ុនក៏បានប្រើគំនិតដូចគ្នានេះ ដើម្បីបង្កើតវ៉ាក់សាំងបាញ់ចូលតាមច្រមុះសម្រាប់ជំងឺរបេងផងដែរ។
ទោះបីជាយ៉ាងណាក៏ដោយ យើងរង់ចាំមើលទាំងអស់គ្នាថាតើ ការសាកល្បងវ៉ាក់សាំងកូវីដបាញ់ចូលតាមច្រមុះនេះ ទទួលបានជោគជ័យដែរឬក៏អត់៕
ប្រែសម្រួលដោយ៖ Vann Vann
ប្រភព៖ CNBC
ចុចអាន៖ ទីតាំង និងកាលបរិច្ឆេទចាក់វ៉ាក់សាំង ដូសទី២ សម្រាប់អ្នកនៅក្រុងតាខ្មៅ នៃខេត្តកណ្ដាល
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)