ព័ត៌មានអន្ដរជាតិ

ភាពនៅទំនេរក្នុងស្ថាប័នយោធាកំពូលរបស់ចិន បង្កើតជាចម្ងល់ ក្រោយមានការបោសសម្អាតទ្រង់ទ្រាយធំជាប្រវត្តិសាស្ត្រ

បានផុស

៤ ខែ មុន

នៅ

ថ្ងៃពុធ ២៨ មករា ២០២៦

ដោយ

Chheang

ក្នុងអំឡុងការបោសសម្អាតយ៉ាងធំធេងបំផុតក្នុងជួរកងទ័ពរំដោះប្រជាជន (PLA) ក្នុងរយៈពេលជាច្រើនទសវត្សរ៍កន្លងមកនេះ គណៈកម្មាធិការយោធាមជ្ឈិម (CMC) ដ៏មានឥទ្ធិពលរបស់ចិន កំពុងប្រឈមនឹងស្ថានភាពមិនធ្លាប់មានពីមុនមក គឺតំណែងភាគច្រើននៅទំនេរ។ ដោយមាននាយឧត្ដមសេនីយ៍ជាន់ខ្ពស់ចំនួន៥នាក់ក្នុងចំណោម៧នាក់ត្រូវបានដកចេញ ឬកំពុងស្ថិតក្រោមការស៊ើបអង្កេត ស្ថាប័នបញ្ជាការយោធាកំពូលរបស់ប្រទេសនេះ បច្ចុប្បន្នពឹងផ្អែកលើបុគ្គលតែពីរនាក់ប៉ុណ្ណោះ គឺលោកប្រធានាធិបតី Xi Jinping និងអនុប្រធានគណៈកម្មាធិការតែមួយគត់ដែលនៅសេសសល់ គឺឧត្តមសេនីយ៍ Zhang Shengmin។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពនៅទំនេរក្នុងជួរមេដឹកនាំកំពូលនេះ បានបង្កឲ្យមានការជជែកដេញដោលយ៉ាងខ្លាំងក្នុងចំណោមអ្នកសង្កេតការណ៍ និងបានលើកឡើងនូវសំណួរសំខាន់ៗអំពីស្ថិរភាព និងការត្រៀមខ្លួនក្នុងជួរកងទ័ពដែលមានទំហំធំបំផុតក្នុងពិភពលោក។

យោងតាមសារព័ត៌មាន NewsWeek អ្នកវិភាគបានចង្អុលបង្ហាញពីមូលហេតុសំខាន់ៗចំនួន៣ ដែលនាំឲ្យតំណែងទាំងនេះនៅទំនេរ៖

កង្វះទំនុកចិត្ត៖ ការបោសសម្អាតនេះ បានប៉ះពាល់ដល់មនុស្សជំនិតរបស់លោក Xi ផ្ទាល់។ ការស្វែងរកអ្នកដឹកនាំថ្មីដែលមានទាំងសមត្ថភាព និង «ភក្តីភាព ១០០%» បានក្លាយជាការលំបាកខ្លាំងក្នុងការត្រួតពិនិត្យប្រវត្តិរូបឡើងវិញ។

ភក្តីភាពសំខាន់ជាងជំនាញ៖ ទីក្រុងប៉េកាំងកំពុងផ្តល់អាទិភាពដល់ «ភាពស្មោះស្ម័គ្រ» ផ្នែកនយោបាយ ជាងបទពិសោធន៍លើសមរភូមិ។ ការទុកកៅអីឲ្យទំនេរ ជាជាងការតែងតាំងប្រញាប់ប្រញាល់ គឺដើម្បីធានាថាមិនមាន «ក្រុមបក្ខពួកអំណាច» ថ្មីអាចបង្កើតឡើងបាន។

ការបោសសម្អាតជាយុទ្ធសាស្ត្រ៖ ខណៈដែលមហាសន្និបាតជាតិលើកទី២១ ជិតចូលមកដល់ក្នុងឆ្នាំ២០២៧ អ្នកវិភាគជឿថា លោក Xi កំពុងមានចេតនាបោសសម្អាតផ្លូវ ដើម្បីរៀបចំតែងតាំងមន្ត្រីជំនាន់ក្រោយដែលលោកបានជ្រើសរើសដោយផ្ទាល់៕

ដោយ៖ ឈាង

Related Topics:ប្រទេសចិន

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា