ព័ត៌មានអន្ដរជាតិ
អូស្រ្តាលី កាត់បន្ថយជើងហោះហើរមកពី ឥណ្ឌា ដោយសារវីរុសបំប្លែងខ្លួនប្រភេទថ្មី
ប្រទេសអូស្រ្តាលី នឹងកាត់បន្ថយចំនួនប្រជាជនរបស់ខ្លួនដែលអាចវិលត្រឡប់មកពីប្រទេសឥណ្ឌានិង បណ្តាប្រទេសស្ថិតក្នុងបញ្ជីក្រហមផ្សេងទៀត ដើម្បីទប់ស្កាត់ហានិភ័យនៃការឆ្លងរាលដាលវីរុសកូវីដ-១៩ បំប្លែងខ្លួនប្រភេទថ្មី។
ការរឹតបន្តឹងនេះនឹងនាំឲ្យមានការកាត់បន្ថយ ៣០ភាគរយ នៃជើងហោះហើរត្រង់មកពីប្រទេសឥណ្ឌាទៅទីក្រុងស៊ីដនី និងជើងហោះហើរពិសេសដែលចុះចតនៅ ដែនដីភាគខាងជើង។
ថ្លែងទៅកាន់ក្រុមអ្នកសារព័ត៌មានបន្ទាប់ពីកិច្ចប្រជុំគណៈរដ្ឋមន្រ្តីជាតិ លោកនាយករដ្ឋមន្រ្តី Scott Morrison បាននិយាយថា លោកនឹងប្រកាសក្នុងរយៈពេល២៤ម៉ោងទៀត អំពីពេលវេលាដែលការរឹតត្បិតថ្មីនេះ នឹងចូលជាធរមាន។
លោកនាយករដ្ឋមន្រ្តី Scott Morrison បាននិយាយថា “យើងកំពុងស្ថិតនៅចំកណ្តាល នៃការរីករាលដាល ជំងឺរាតត្បាតជាសកលលោក ហើយប្រទេសអូស្រ្តាលីបានទទួលជោគជ័យជាមួយរោគរាតត្បាតនេះ។ មានការរៀបចំព្រំដែនប្រកបដោយប្រសិទ្ធភាព។ នឹងនៅតែជាឱកាស សម្រាប់អ្នកដែលត្រូវវិលត្រឡប់មកពីកន្លែងនានាដូចជាប្រទេសឥណ្ឌា ប៉ុន្តែត្រូវស្ថិតក្នុងកាលៈទេសៈដែលគ្រប់គ្រងបាន”។
បច្ចុប្បន្ននេះ ប្រទេសអូស្រ្តាលី បានអនុញ្ញាតឲ្យពលរដ្ឋ ឬអ្នករស់នៅអចិន្ត្រៃយ៍ប្រមាណ៥,៨០០នាក់ ចូលក្នុងទឹកដីរបស់ខ្លួនរាល់សប្តាហ៍ មុនពេលធ្វើចត្តាឡីស័ករយៈពេល១៤ថ្ងៃក្នុងសណ្ឋាគារ។ វាមិនច្បាស់ទេថា ក្នុងចំនួនទាំងនេះ តើមានប៉ុន្មាននាក់មកពីប្រទេសឥណ្ឌាក្នុងមួយសប្តាហ៍។
នៅថ្ងៃព្រហស្បតិ៍ ទី២២ ខែមេសានេះ ប្រទេសឥណ្ឌាបានរាយការណ៍ថា ករណីឆ្លងកូវីដ-១៩មានចំនួនជាង៣០ម៉ឺននាក់ក្នុងរយៈពេល២៤ម៉ោងចុងក្រោយ ដែលជាតួលេខឆ្លងច្រើនបំផុតប្រចាំថ្ងៃក្នុងពិភពលោក ខណៈតួលេខអ្នកស្លាប់ក៏ឡើងខ្ពស់ជាប់កំណត់ត្រាដែរ។
លោក Morrison និយាយថា អូស្រ្តាលីនឹងយកគំរូតាមចក្រភពអង់គ្លេស ដែលហាមប្រាមការមកដល់ ប្រសិនបើពួកគេបានទៅទស្សនាប្រទេសណាមួយ នៅក្នុងបញ្ជីក្រហមនៃប្រទេសទាំង៤០ ក្នុងរយៈពេល១០ថ្ងៃចុងក្រោយ៕
ប្រែសម្រួលដោយ៖ Vann Vann
ប្រភព៖ Reuters
ចុចអាន៖ ក្រោយរកឃើញវីរុសបំប្លែងខ្លួនថ្មី N501Y ហុងកុង ហាមជើងហោះហើរមកពី៣ប្រទេស មានមួយនៅអាស៊ីអាគ្នេយ៍
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ