ព័ត៌មានអន្ដរជាតិ

អាមេរិកសុខចិត្តបំពេញស្តុកអាវុធក្នុងឃ្លាំងខ្លួនវិញ ជាជាងផ្តល់ទៅឱ្យអ៊ុយក្រែន

បានផុស

៣ ខែ មុន

នៅ

ថ្ងៃសៅរ៍ ២១ មីនា ២០២៦

ដោយ

រដ្ឋមន្ត្រីក្រសួងការពារជាតិ (ក្រសួងសង្គ្រាម) សហរដ្ឋអាមេរិក លោក Pete Hegseth បានលើកឡើងថា ក្រសួងការពារជាតិអាមេរិកកំពុងផ្តល់អាទិភាពដល់ការបំពេញស្តុកអាវុធរបស់ខ្លួនឡើងវិញ ជំនួសឱ្យការបញ្ជូនអាវុធទាំងនោះទៅអ៊ុយក្រែន ដោយស្តីបន្ទោសរដ្ឋបាល អតីតប្រធានាធិបតី Joe Biden ពីបញ្ហាប្រឈមនានាដែលយោធាអាមេរិកកំពុងប្រឈមនាពេលថ្មីៗនេះ។

សារព័ត៌មាន RT របស់រុស្ស៊ីដែលផ្សាយថ្ងៃទី១៩ខែមីនា ឆ្នាំ២០២៦ លោក Hegseth លើកឡើងបែបនេះកាលពីថ្ងៃព្រហស្បតិ៍ អំឡុងសន្និសីទសារព័ត៌មានមួយជាមួយឧត្តមសេនីយ៍កងទ័ពអាកាស លោក Dan Caine ។

រដ្ឋមន្ត្រីក្រសួងសង្គ្រាមសហរដ្ឋអាមេរិក លោក Pete Hegseth ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលសួរពីថវិកាក្នុងប្រតិបត្តិការសង្គ្រាមចំនួន ២០០ប៊ីលានដុល្លារដែលបានរាយការណ៍ដោយមន្ទីរបញ្ចកោណកំពុងស្វែងរកពីសភាក្នុងសង្គ្រាមនៅអ៊ីរ៉ង់ លោក Hegseth បញ្ជាក់ថាការពិភាក្សាកំពុងដំណើរការ ហើយថវិកាបន្ថែមដែលបានស្នើសុំអាចកើនឡើងលើសពីចំនួនសរុប។

លោក Hegseth និយាយថា៖ « ខ្ញុំគិតថាចំនួននោះអាចកើនឡើងរហូតដល់ ២០០ប៊ីលានដុល្លារ ឬលើសនេះ។ យើងត្រូវការប្រាក់ទាំងនោះ ដើម្បីសម្លាប់មនុស្សអាក្រក់»។

មន្រ្តីរូបនេះនិយាយដោយចង្អុលទៅកាន់រដ្ឋបាលមុនរបស់លោក Joe Biden ថា៖ «ថវិកាបន្ថែមនេះគឺយើងត្រូវការដើម្បីបំពេញស្តុកយោធាអាមេរិក ក្នុងការធានាថាយើងទទួលបានមូលនិធិត្រឹមត្រូវ សម្រាប់ធ្វើអ្វីដែលយើងអាចត្រូវធ្វើបាននាពេលអនាគត»។

លោកបន្តថា៖ « យើងក៏កំពុងដោះស្រាយជាមួយគម្រោងការដែលលោក Joe Biden បានបង្កើតឡើង! វាកំពុងបំផ្លាញស្តុកអាវុធទាំងនោះ ហើយមិនបានបញ្ជូនទៅឱ្យយោធារបស់យើងទេ ប៉ុន្តែទៅអ៊ុយក្រែនទៅវិញ។ ពោលគឺរាល់ពេលដែលយើងត្រលប់ទៅមើលបញ្ហាប្រឈមណាមួយដែលយើងមាន គឺជាការបញ្ជូនអាវុធទាំងនោះទៅអ៊ុយក្រែន។ យើងគិតថាគ្រាប់រំសេវទាំងនោះ គួរតែចំណាយឱ្យត្រូវផ្លូវសម្រាប់ផលប្រយោជន៍ផ្ទាល់ខ្លួនរបស់យើងក្នុងពេលនេះ»៕

ប្រែសម្រួល៖ ណឺ មិនា

Related Topics:សហរដ្ឋអាមេរិក អ៊ីរ់ង់អ៊ុយក្រែន

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា