ព័ត៌មានអន្ដរជាតិ
ប្រធានាធិបតីកូរ៉េខាងត្បូងបង្ហាញជំហរទន់ភ្លន់សំដៅកូរ៉េខាងជើង ចំពេលពិភពលោកកំពុងក្តៅ
ប្រធានាធិបតីកូរ៉េខាងត្បូង លោក លី ជេ ម្យុង (Lee Jae Myung) បានសម្តែងការសោកស្តាយសំដៅទីក្រុងព្យុងយ៉ាង ចំពោះយន្តហោះដ្រូនកូរ៉េខាងត្បូង ហោះឆ្លងកាត់ព្រំដែនទៅកូរ៉េខាងជើងកាលពីដើមឆ្នាំនេះ ដោយហៅថា ឧបទ្ទវហេតុនោះថាជា សកម្មភាព «ខ្វះការប្រុងប្រយ័ត្ន»។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃទី ៦ ខែមេសា ឆ្នាំ២០២៦។
លោក លី បានលើកឡើងនៅក្នុងកិច្ចប្រជុំគណៈរដ្ឋមន្ត្រីថា «ទោះបីជាវាមិនមែនជាចេតនារបស់រដ្ឋាភិបាលយើងក៏ដោយ តែយើងសូមសម្តែងការសោកស្តាយចំពោះកូរ៉េខាងជើង ចំពោះភាពតានតឹងយោធាដែលមិនចាំបាច់ ដែលបណ្តាលមកពីសកម្មភាពមិនទទួលខុសត្រូវ និងមិនប្រុងប្រយ័ត្នរបស់បុគ្គលមួយចំនួន»។
ប្រធានាធិបតី លី បាននិយាយថា ការស៊ើបអង្កេតរបស់អាជ្ញាធរកូរ៉េខាងត្បូង បានរកឃើញថា បុគ្គលិកនៃអង្គភាពស៊ើបការណ៍សម្ងាត់ជាតិ (NIS) និងមន្ត្រីយោធាដែលកំពុងបំពេញកាតព្វកិច្ចម្នាក់ បានជាប់ពាក់ព័ន្ធនឹងករណីនេះ។ រដ្ឋធម្មនុញ្ញកូរ៉េខាងត្បូង ហាមឃាត់បុគ្គលឯកជនពីការធ្វើសកម្មភាពដែលអាច «ញុះញង់កូរ៉េខាងជើង»។
លោកលើកឡើងថា «កម្មភាពបែបនេះ សូម្បីតែនៅពេលដែលចាត់ទុកថា ចាំបាច់សម្រាប់យុទ្ធសាស្ត្រជាតិក៏ដោយ ក៏ត្រូវតែចាត់វិធានការដោយប្រុងប្រយ័ត្នបំផុតដែរ»។
ទីក្រុងព្យុងយ៉ាង កាលពីខែមករាបានអះអាងថា យន្តហោះដ្រូនដែលបញ្ជូនមកពីកូរ៉េខាងត្បូង បានរំលោភលើដែនអាកាសរបស់ខ្លួន ដោយចោទប្រកាន់ទីក្រុងសេអ៊ូល «ពីបទញុះញង់ធ្ងន់ធ្ងរ» និងថា ខ្លួនបានបាញ់ទម្លាក់យន្តហោះទាំងនោះ។ យ៉ាងណា ភាគីកូរ៉េខាងត្បូងបានបដិសេធការជាប់ពាក់ព័ន្ធរបស់យោធាណាមួយ ហើយបានបើកការស៊ើបអង្កេតរួមគ្នារវាងយោធា និងប៉ូលិស ដែលនាំឲ្យព្រះរាជអាជ្ញាចោទប្រកាន់បុរសកូរ៉េខាងត្បូងម្នាក់អាយុ ៣០ ឆ្នាំពីបទចោទប្រកាន់រួម ទាំងការរំលោភលើច្បាប់អាកាសចរណ៍ និងសន្តិសុខជាតិលើការហោះហើរយន្តហោះដ្រូនដោយគ្មានការអនុញ្ញាត ។
ប្រធានាធិបតីកូរ៉េខាងត្បូង នាពេលកន្លងមក បានព្យាយាមជួសជុលទំនាក់ទំនងជាមួយកូរ៉េខាងជើង ចាប់តាំងពីឡើងកាន់តំណែងកាលពីឆ្នាំមុន ដោយរិះគន់អ្នកកាន់តំណែងមុនរបស់លោក ចំពោះការបញ្ជូនយន្តហោះដ្រូន ដើម្បីផ្សព្វផ្សាយឃោសនាលើទីក្រុងព្យុងយ៉ាង។ ទោះជាយ៉ាងនេះក្ដី ការប៉ុនប៉ងម្តងហើយម្តងទៀតរបស់លោក មិនត្រូវបានកូរ៉េខាងជើងឆ្លើយតបឡើយ។ ជាក់ស្ដែង ក្នុងរយៈពេលប៉ុន្មានខែថ្មីៗនេះ ទីក្រុងព្យុងយ៉ាងបែរជាប្រកាសថា កូរ៉េខាងត្បូងជារដ្ឋដែលមាន «អរិភាពបំផុតរបស់ខ្លួន»៕
អត្ថបទ៖ សាង ស្រីល័ក្ខ
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ