ព័ត៌មានអន្ដរជាតិ

សហភាពអឺរ៉ុប នឹងជំរុញការបង្កើនផលិតកម្មវិស័យការពារជាតិឱ្យលឿនជាងមុន

បានផុស

៤ សប្តាហ៍ មុន

នៅ

ថ្ងៃពុធ ១៣ ឧសភា ២០២៦

ដោយ

ប្រធានគោលនយោបាយការបរទេសសហភាពអឺរ៉ុប លោកស្រី Kaja Kallas ជំរុញថ្នាក់ដឹកនាំតំបន់អឺរ៉ុប បង្កើនផលិតកម្មវិស័យការពារជាតិឱ្យលឿនជាងមុន ស្របពេលដែលរដ្ឋមន្ត្រីការពារជាតិសហភាពអឺរ៉ុប ជួបប្រជុំគ្នានៅទីក្រុងព្រុចសែល ដើម្បីពិភាក្សាលើបញ្ហានៅអ៊ុយក្រែន សមត្ថភាពឧស្សាហកម្មសព្វារុធ និងបញ្ហាមជ្ឈិមបូព៌ា។ នេះបើយោងតាមភ្នាក់ងារសារព័ត៌មានតួកគី Anadolu ផ្សាយថ្ងៃទី១២ ខែឧសភា ឆ្នាំ២០២៦។

លោកស្រី Kaja Kallas លើកឡើងមុនកិច្ចប្រជុំថា៖ « យើងកំពុងផ្តោតលើការច្នៃប្រឌិត និងគម្រោងរួមគ្នា ពីព្រោះយើងមានគម្រោងច្រើនពេកនៅក្នុងរដ្ឋសមាជិកផ្សេងគ្នា មិនអាចធ្វើអន្តរកម្មបាន»។

ប្រធានគោលនយោបាយការបរទេសសហភាពអឺរ៉ុប លោកស្រី Kaja Kallas ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី សង្កត់ធ្ងន់ថា៖ « សហភាពអឺរ៉ុបត្រូវជំរុញរដ្ឋសមាជិកឱ្យឆ្ពោះទៅរកការផ្គត់ផ្គង់ [សព្វាវុធ] រួមគ្នាបន្ថែមទៀត និងការច្នៃប្រឌិដ្ឋកាន់តែច្រើន ព្រោះមេរៀនពីអ៊ុយក្រែនគួរតែត្រូវបានយកមកពិចារណា»។

លោកស្រី Kallas កត់សម្គាល់ថា៖ « ទិន្នផលឧស្សាហកម្មវិស័យការពារជាតិនៅតែជាកង្វល់មួយ ទោះបីជាមានមូលនិធិក៏ដោយ។ ប្រទេសនានាមានមូលនិធិច្រើន ប៉ុន្តែឧស្សាហកម្មការពារជាតិមិនបានបង្កើនផលិតកម្មរបស់ខ្លួនទេ»។

ដោយឡែកនៅមជ្ឈិមបូព៌ាវិញ លោកស្រី Kallas ថា រដ្ឋមន្ត្រីនឹងពិភាក្សាពីប្រតិបត្តិការសន្តិសុខដែនសមុទ្រ និងលីបង់។

លោកស្រីចង្អុលបង្ហាញថា គឺមានចំណាប់អារម្មណ៍ក្នុងចំណោមរដ្ឋជាសមាជិកនៅក្នុងបេសកកម្មថ្មីរបស់អឺរ៉ុប ដើម្បីគាំទ្រកងកម្លាំងប្រដាប់អាវុធលីបង់ […] ការពិភាក្សានឹងរួមបញ្ចូលប្រតិបត្តិការកងទ័ពជើងទឹក Aspides របស់សហភាពអឺរ៉ុបក្នុងច្រកសមុទ្រ Hormuz ។ យ៉ាងណាផែនការប្រតិបត្តិការអាចត្រូវបានកែតម្រូវ ប្រសិនបើរដ្ឋជាសមាជិកយល់ព្រម។

លោកស្រីថា៖ « រចនាសម្ព័ន្ធសម្រាប់បេសកកម្មនេះមានរួចហើយ ប៉ុន្តែនឹងតម្រូវឱ្យមានកិច្ចព្រមព្រៀងនយោបាយបន្ថែមទៀត និងការចូលរួមចំណែកពីរដ្ឋជាសមាជិក ដើម្បីបន្ត»៕

សម្រួល៖ ណឺ មិនា

Related Topics:វិស័យការពារជាតិ សហភាពអឺរ៉ុប

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា