ព័ត៌មានអន្ដរជាតិ

លើកដំបូង អ៊ីរ៉ង់ថា ខ្លួនទទួលសារពីអាមេរិក ជុំវិញការចរចាបើកច្រក Hormuz

បានផុស

៣ សប្តាហ៍ មុន

នៅ

ថ្ងៃសៅរ៍ ១៦ ឧសភា ២០២៦

ដោយ

រដ្ឋមន្ត្រីការបរទេសអ៊ីរ៉ង់ លោក Abbas Araghchi អះអាងពីការទទួលសារពីសហរដ្ឋអាមេរិក ដែលបង្ហាញឆន្ទៈក្នុងការបន្តការចរចាដោយបើកចំហ ចំពោះការគាំទ្រណាមួយ ជាពិសេសពីប្រទេសចិន។ នេះបើយោងតាមភ្នាក់ងារសារព័ត៌មាន AFP ចុះផ្សាយថ្ងៃទី១៥ ខែឧសភា ឆ្នាំ២០២៦ ។

លោក Araghchi ប្រាប់អ្នកយកព័ត៌មាននៅក្នុងរដ្ឋធានីឥណ្ឌាថា៖ « យើងបានទទួលសារម្តងទៀតពីអាមេរិក ដែលបង្ហាញឆន្ទៈក្នុងការបន្តការចរចានិងបន្តអន្តរកម្ម»។

រដ្ឋមន្ត្រីការបរទេសអ៊ីរ៉ង់ លោក Abbas Araghchi ។ រូបភាព៖ AP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Araghchi ថ្លែងបែបនេះមួយថ្ងៃ បន្ទាប់ពីប្រធានាធិបតីអាមេរិក លោក ដូណាល់ ត្រាំ និយាយថា លោក ស៊ី ជីនពីង នឹងផ្តល់ជំនួយផ្សេងៗ ដើម្បីបើកច្រកសមុទ្រ Hormuz ឡើងវិញ ហើយមេដឹកនាំចិន ក៏បានសន្យាថានឹងមិនបញ្ជូនសម្ភារៈយោធាជួយអ៊ីរ៉ង់ក្នុងសង្គ្រាមប្រឆាំងនឹងសហរដ្ឋអាមេរិក និងអ៊ីស្រាអែលនោះដែរ។

បន្ទាប់ពីលោកបានចូលរួមកិច្ចប្រជុំនៃប្លុកប្រទេស BRICS នៅទីក្រុងញូវដេលី លោក Araghchi លើកឡើង ថា៖ « យើងកោតសរសើរប្រទេសណាមួយដែលមានសមត្ថភាពក្នុងការជួយ [សម្របសម្រួល] ជាពិសេសប្រទេសចិន។ យើងមានទំនាក់ទំនងល្អណាស់ជាមួយប្រទេសចិន យើងជាដៃគូយុទ្ធសាស្ត្រទៅវិញទៅមក ហើយយើងដឹងថា (ចិន) មានបំណងល្អ ដូច្នេះអ្វីដែលអាចធ្វើទៅបានគឺជាការជួយដល់ផ្នែកការទូតនឹងត្រូវបានស្វាគមន៍ដោយសាធារណរដ្ឋអ៊ីរ៉ង់»។

ដោយឡែក ប្រទេសចិនលើកឡើងថា ខ្លួនបានខិតខំប្រឹងប្រែងជួយបញ្ចប់ជម្លោះ ចាប់តាំងពីការចាប់ផ្តើមវាយប្រហាររបស់សហរដ្ឋអាមេរិកនិងអ៊ីស្រាអែលលើអ៊ីរ៉ង់នៅថ្ងៃទី២៨ ខែកុម្ភៈ។

ក្រសួងការបរទេសចិនប្រាប់ AFP ថា៖ « គ្មានចំណុចណាមួយក្នុងការបន្តជម្លោះនេះទេ វាមិនគួរកើតឡើងតាំងពីដំបូង។ ការស្វែងរកមធ្យោបាយដំបូង ដើម្បីដោះស្រាយស្ថានការណ៍គឺស្ថិតនៅក្នុងផលប្រយោជន៍មិនត្រឹមតែសហរដ្ឋអាមេរិកនិងអ៊ីរ៉ង់ប៉ុណ្ណោះទេ ប៉ុន្តែថែមទាំងប្រទេសក្នុងតំបន់ និងពិភពលោកទាំងមូលផងដែរ»។

គួរបញ្ជាក់ថា ប៉ាគីស្ថានគឺជាអ្នកសម្របសម្រួលដ៏សំខាន់រហូតមកដល់ពេលនេះរវាងសហរដ្ឋអាមេរិកនិងអ៊ីរ៉ង់។

លោក Araghchi មានប្រសាសន៍ថា៖ « ដំណើរការសម្របសម្រួលដោយប៉ាគីស្ថានមិនទាន់បរាជ័យនៅឡើយទេ ប៉ុន្តែកំពុងស្ថិតក្នុងដំណើរដ៏លំបាកមួយ ភាគច្រើនដោយសារតែឥរិយាបថរបស់អាមេរិកនិងការមិនទុកចិត្តគ្នាដែលមានរវាងយើង»៕

សម្រួល៖ ណឺ មិនា

Related Topics:សហរដ្ឋអាមេរិក អ៊ីរ៉ង់ច្រកហ័រមូហ្ស

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា