ព័ត៌មានអន្ដរជាតិ
លោក ចូ បៃដិន បង្ហាញការគាំទ្របទឈប់បាញ់គ្នានៅហ្គាហ្សា តែការពារសិទ្ធិអ៉ីស្រាអែល
សេតវិមានបានឲ្យដឹងថា លោកប្រធានាធិបតីសហរដ្ឋអាមេរិក ចូ បៃដិន បានសម្តែងការគាំទ្រចំពោះបទឈប់បាញ់គ្នានៅហ្គាហ្សា កំឡុងពេលលោកហៅទូរសព្ទលើកទី២ទៅកាន់នាយករដ្ឋមន្ត្រីអ៉ីស្រាអែលលោក Benjamin Netanyahu នៅថ្ងៃចន្ទ។
យោងតាមសេតវិមានបង្ហាញថា ការអធិប្បាយរបស់លោក បៃដិន អំពីឈប់បាញ់គ្នាត្រូវបានបញ្ចប់ដោយចំហ។ វាផ្ទុយពីការទាមទាររបស់សមាជិកសភាប្រជាធិបតេយ្យជាច្រើននាក់ និងអ្នកផ្សេងទៀតដែលឲ្យបញ្ឈប់ភាគីទាំងពីរជាបន្ទាន់។ ប៉ុន្តែការអានសេចក្តីអំពាវនាវបានបង្ហាញពីកង្វល់សេតវិមានអំពីការទម្លាក់គ្រាប់បែក ក្នុងនោះការវាយប្រហាររបស់អ៉ីស្រាអែលតាមផ្លូវអាការដែលមានគោលដៅលើក្រុមហាម៉ាសឲ្យចុះខ្សោយទៅវិញ។
សេតវិមាននិយាយថា មេដឹកនាំអាមេរិកលើកទឹកចិត្តឲ្យអ៉ីស្រាអែលខិតខំប្រឹងធានាបាននូវការការពារជនស៊ីវិលស្លូតត្រង់។ ប៉ុន្តែនោះគឺនៅក្នុងសេចក្តីថ្លែងការណ៍ប៉ុណ្ណោះ បន្ទាប់មកនិយាយថា លោកបានគាំទ្រជាថ្មីម្តងទៀតចំពោះសិទ្ធិរបស់អ៉ីស្រាអែលដើម្បីការពារខ្លួនពីការវាយប្រហាររ៉ុក្កែតគ្មានរើសមុខ។
ជាមួយគ្នានេះ រដ្ឋមន្ត្រីក្រសួងការបរទេសអាមេរិកលោក Antony Blinken បានជំរុញឲ្យភាគីទាំងពីរការពារជនស៊ីវិល ជាពិសេសកុមារ ដោយសង្កត់ធ្ងន់ថា អ៉ីស្រាអែលក្នុងនាមជាប្រជាធិបតេយ្យមានបន្ទុកបន្ថែមដើម្បីធ្វើការងារនេះ។
នៅថ្ងៃចន្ទជាមួយគ្នានេះ មានសេចក្តីថ្លែងការណ៍ពីមេដឹកនាំកំពូលៗបាននិយាយនៅចំថ្ងៃទី៨ នៃការប្រយុទ្ធគ្នារវាងប្រទេសអ៉ីស្រាអែល និងប៉ាឡេស្ទីន។
នៅចក្រភពអង់គ្លេសវិញ អ្នកនាំពាក្យលោកនាយករដ្ឋមន្ត្រី Boris Johnson បាននិយាយថា អ៉ីស្រាអែលត្រូវតែបញ្ជៀសការប៉ះពាល់ដល់ជនស៊ីវិល ប៉ុន្តែបានបង្ហាញកង្វល់ថា ក្រុមហាម៉ាសបានកំពុងប្រើហេដ្ឋារចនាសម្ព័ន្ធជនស៊ីវិល និងប្រជាជនសម្រាប់ការវាយប្រហាររបស់ខ្លួន។
នៅប្រទេសអាល្លឺម៉ង់ លោកស្រីអធិការបតី Angela Merkel បានអំពាវនាវឲ្យឈប់បាញ់គ្នា ខណៈកំពុងនិយាយជាមួយលោកនាយករដ្ឋមន្ត្រីអ៉ីស្រាអែល Benjamin Netanyahu។ យ៉ាងណា លោកស្រីបញ្ជាក់ថា សិទ្ធិរបស់អ៉ីស្រាអែលគឺការពារខ្លួនទល់នឹងការវាយប្រហារ។
ជាមួយគ្នានេះ បារាំង និងអេហ្ស៊ីបក៏ស្ថិតនៅក្នុងប្រទេសជាច្រើនដែលអំពាវនាវឲ្យមានបទឈប់បាញ់គ្នាបន្ទាន់។
រហូតមកដល់ពេល មនុស្សជាង២១២នាក់បានស្លាប់ក្នុងរាប់ទាំងកុមារ៦១នាក់នៅតំបន់ហ្គាហ្សា និង១០នាក់ មានទាំងកុមារ២នាក់នៅអ៉ីស្រាអែល៕
ប្រែសម្រួល៖ វីរបុត្រ
ប្រភព៖ AP
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម២៣ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៦ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)
-
ព័ត៌មានអន្ដរជាតិ៥ ថ្ងៃ ago
យប់មិញ អ៉ីរ៉ង់សងសឹកអ៉ីស្រាអែលដោយមីស៊ីល-យន្តហោះគ្មានមនុស្សជាង២០០គ្រាប់